BARREIROS (FNC) .- Un home resultou ferido de carácter leve esta madrugada despois de saírse da vía o coche que conducía na A-8 ó seu paso por Barreiros, á altura do quilómetro 513. O vehículo incendiouse e o condutor logrou saír a pé, aínda que se fracturou un nocello tentando escapar do lume. Na extinción do incendio participaron unha motobomba e membros de Protección Civil de Barreiros.
O sábado, día 13, a compañía Teatro do Morcego representa a obra Kvetch "unha comedia americana sobre a ansiedade" no Teatro Pastor Díaz, en Viveiro, ás oito e media da tarde, con Celso Parada, Mónica Caamaño, Miguel Pernas, Dorotea Barcena e Mundo Villalustre.
Venres 12 de marzo , ás oito e media da tarde, na Igrexa das Concepcionistas, en Viveiro, ofrecese un recital lírico a cargo do barítono Vicente Casas Trasancos, acompañado ao piano por Plácido Travieso Fernández. Este concerto enmárcase dentro do programa Adral da Xunta de Confradías de Semana Santa de Viveiro.
A Concellería de Asuntos Sociais do Concello do Valadouro organiza para o día venres, 12 de marzo, unha xornada dedicada ao Día Internacional da Muller que se conmemora cada 8 de marzo. Por razóns de asistencia trasládase ao venres 12 de marzo ás 20 horas na Casa da Cultura. Proxectaranse películas e haberá chocolatada.
O venres 12 de marzo unha unidade móvil visitará Burela para ofrecer información según afirmou o alcalde Bureles Alfredo Llano, "“como o apagón analóxico xa está moi cerca os veciños teñen que ir facéndose á idea de que a partires de xa a emisión da televión vai ser casi toda él en dixital. Cremos que o 3 de abril o noso municipio estará totalmente dixitalizado”. Llano avisa “aos veciños de Burela de que a partires de agora en calquera momento van deixar de percibir a sinal analóxica". A unidade de infromación estará na Praza da Mariña.
Envíe información para publicar en Crónica3. 
Mándenos novas de A Mariña, veciñais, de empresas, de asociacións, de organismos públicos, de entidades privadas, notas de prensa, artigos de opinión, e crónicas relacionadas con concellos de A Mariña, Alfoz, Barreiros, Burela, Cervo, Foz, Lourenzá, Mondoñedo, Ourol, Pontenova, Ribadeo, Trabada, Valadouro, Vicedo, Viveiro e Xove. Publicarémola, é gratis. (Textos en formato .txt, .doc, e .odt; imaxes en formato .jpg)