Nota de Prensa
O deputado Rosendo Fernández cualifica de “vergonzoso” que ataquen a xestión da actual Xunta “quen xogou con enfermos para manipular e maquillar estatísticas en favor de intereses políticos”
O GRUPO POPULAR CONSIDERA UN AVANCE FUNDAMENTAL A REDUCIÓN DOS TEMPOS DE ESPERA PARA CIRURXÍAS GRAVES E VE NAS CRÍTICAS DO PSOE UNHA CONFIRMACIÓN DE QUE AOS SOCIALISTAS NON LLES IMPORTA O BENESTAR DOS CIDADÁNS
* “O Goberno de Núñez Feijóo está a cumprir os seus compromisos con seriedade e rigor centrándose nos pacientes e non en números, e todo iso partindo da lamentable situación que deixou o Bipartito” afirma o voceiro de Sanidade do Grupo Parlamentario do PPdeG.
* O deputado do PPdeG lémbralle ao PSOE que o Hospital de Vigo “non é que acumule ano e medio de retraso, senón que estivo aprazado toda a lexislatura do Bipartito, que o único que fixo foi presentar o proxecto máis de cinco veces”.
Santiago, 28 de xaneiro de 2010.- O voceiro de Sanidade do Grupo Parlamentario Popular de Galicia, Rosendo Fernández, considera un avance fundamental e “un paso importante no camiño correcto para que os galegos teñan unha Sanidade de calidade” a redución acadada dos tempos de espera para cirurxías graves -as consideradas de prioridade 1-, nas que por primeira vez en Galicia se cumpre o requisito legal dun tempo medio de espera inferior a 30 días. Tra-los datos ofrecidos pola conselleira hai dous días, o Grupo Popular ve nas críticas vertidas polo PSOE unha confirmación de que aos socialistas non lles importa o benestar dos cidadáns.
“O PSOE demostrou nos seus catro anos de Goberno que o último que lle interesaba era que os galegos estiveran ben atendidos”, apunta Rosendo Fernández, quen lembra que a Sanidade en Galicia “acadou os peores niveis de calidade na etapa do Bipartito” e que os seus responsables “chegaron ao estremo de agochar pacientes nun caixón para desinflar as listas de espera”. Todo iso, engade o deputado, “dentro dunha xestión caótica e perversa, na que se despilfarraban recursos públicos para pagar xornadas extraordinarias mentres diminuía incomprensiblemente a actividade en horario ordinario”.
O portavoz de Sanidade dos deputados populares cualifica de “vergonzoso” que ataquen a xestión da actual Xunta “quen xogou con enfermos para manipular e maquillar estatísticas en favor de intereses políticos”. Nese sentido, resalta que o criticable, “por estar fóra de toda ética”, é “retrasar o proceso diagnóstico para diminuír os tempos de espera no proceso cirúrxico”, así como “aumentar a asistencia a procesos de menor prioridade pero que teñen maior tempo de lista de espera para acurtar a cifra final”, como facían os socialistas na súa etapa de responsabilidade á fronte da Consellería.
PACIENTES E NON NÚMEROS
“O Goberno de Núñez Feijóo está a cumprir os seus compromisos con seriedade e rigor centrándose nos pacientes e non en números, e todo iso partindo da lamentable situación que deixou o Bipartito” afirma o voceiro de Sanidade do Grupo Parlamentario do PPdeG.
Para Rosendo Fernández, a xestión do actual Goberno “acerta de cheo ao priorizar aos pacientes e poñer caras ás decisións de xestión que se adoptan”, rachando coa “inadmisible” práctica do Bipartito, “que focalizaba o esforzo nos valores estatísticos”. Os datos presentados pola conselleira demostran, para o deputado, que “se está a traballar na liña correcta de mellora do rendemento cirúrxico e de mellora na organización da actividade ordinaria”.
Así mesmo, salienta que se aumentaron substancialmente as intervencións en xornada ordinaria e que se aplicou “a transparencia total, en contraste coa ocultación a que nos tiñan afeitos os socialistas”, de forma que agora inclúense nas listas todos os pacientes que non estaban rexistrados, “pacientes que pasaron probas diagnósticas e que se sumaron á lista de espera cirúrxica”. Un exercicio “necesario”, en opinión do deputado popular, porque “non e cuestión de enmarscarar cifras, senón de mellorar de verdade os tempos de resposta, priorizando segundo a gravedade dos pacientes”.
HOSPITAL DE VIGO
Doutra banda, o voceiro de Sanidade do Grupo Popular lémbralle ao PSOE que o Hospital de Vigo “non é que acumule ano e medio de retraso, senón que estivo aprazado toda a lexislatura do Bipartito, que o único que fixo foi presentar o proxecto máis de cinco veces”. En relación con ese hospital, Fernández reitera que “está garantido que a xestión e a asistencia van ser públicas ao cen por cen, porque a concesión á para os servizos non sanitarios” e gaba a decisión da Xunta de optar polo modelo concesional de pago aprazado, que permitirá reducir de 10 a 4 anos o tempo para contar con ese centro, que estará en funcionamento en 2013, así como crear 2.400 postos de traballo, algo que “ao parecer, supón un problema para o PSOE”.
Con este modelo, garántese que se comece a pagar a concesión dos servizos non sanitarios cando se dispoña da infraestrutura e que a Administración regule e controle a dispoñibilidade e calidade da prestación dos ditos servizos, o que supón “unha modernización da que tan necesitada está Vigo neste eido”, a través dunhas ferramentas “que están a utilizar todas as comunidades autónomas, independentemente de quen goberne nelas”.
O deputado lémbralle aos socialistas que eles “tiveron a oportunidade de facer ese hospital cando tiveron responsabilidade, pero preferiron darlle as costas a Vigo, á súa economía e á saúde dos seus cidadáns”. Pola contra, o Goberno de Núñez Feijóo “aposta por facer un novo hospital que crea emprego e que rematará coas carencias asistenciais dos usuarios da área viguesa, que o que os cidadáns e os profesionais da Sanidade de Vigo están a demandar”.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
