Breves

• O Trasno no IES Monte Castelo de Burela

  Unha reimpresión da revista O Trasno foi presentada no IES Monte Castelo de Burela. O Colectivo Cultural Buril presentou esta edición ao alumnado do centro e chagou exemplares para a biblioteca. Destacaron a información recollida neta publicación sobre a vida de Burela e do concello de Cervo nos anos oitenta e que pode servir para valorar os cambios sociais e as demandas aínda por resolver. Tamén se fixo unha breve descrición sobre o significado do asociacionismo cultural da época.

• Homenaxe da Xunta en recordo de Isaac Díaz Pardo

  José Manuel Balseiro, Secretario do Parlamento de Galicia e Tenente de Alcalde de Cervo, participou hoxe na emotiva homenaxe que a Xunta organizou en recordo de Isaac Díaz Pardo, na Biblioteca  da Cidade da Cultura en Santiago de Compostela.

• O centro de formación Trasemfor inicia en Burela un curso de inglés Oxford nivel medio

  O día 27 de febreiro comeza un curso de Inglés en Burela, no centro de formación Trasemfor (c/ do Rio- 982 888 872). Será Inglés Oxford Nivel Medio, con incidencia no desenrolo das conversas. O horario será a partir das 20:00h. Con opción de bonificación do 100% do curso.

• ACIA Foz ultima a campaña de primavera

  ACIA Foz manterá un novo encontro a vindeira semana para ultimar a campaña de primavera. Será o luns pola noite na cafetería Xoyma. Directiva e representantes do comercio mantiveron onte unha primeira xuntanza para analizar as iniciativas a levar adiante e quedaron en volver xuntarse o próximo luns, 13 de febreiro.

• Convocadas as probas para a obtención dos Certificados de Lingua Galega nivel 1, 2, 3 e 4

  Están convocadas as probas para a obtención dos Certificados de Lingua Galega (CELGA Nivel 1, 2, 3 e 4) no ano 2012. Estas probas están dirixidas a aquelas persoas que precisen certificar o seu coñecemento de lingua galega para acceder a un posto de traballo ou a unha actividade de formación. O prazo de solicitude permanecerá aberto ata o 3 de abril de 2012.

• Pospoñen para mediados de mes a xuntanza do presidente de Expomar co de Feiras e Exposicións de Lugo

  A xuntanza entre o alcalde de Burela e presidente da Fundación Expomar, José María González Barcia, e o presidente executivo da Fundación Feiras e Exposicións de Lugo, Eduardo Núñez Torrón, será o vindeiro 16 de febreiro ás 11 da mañá. O encontro previsto para hoxe no Concello de Burela queda así aprazado para a semana próxima. O obxectivo desta xuntanza é analizar a posible colaboración a establecer entre o Concello e a Fundación Expomar e a Fundación Feiras e Exposicións de Lugo.