O BNG pide un novo status político para defender a pesca galega ante a Unión Europea
08-04-11Nota de prensa:
O BNG PIDE UN NOVO ESTATUS POLÍTICO PARA DEFENDER A PESCA GALEGA ANTE A UNIÓN EUROPEA
O deputado do BNG, Bieito Lobeira reclama acudir aos tribunais para impugnar as directivas que discriminan á flota pesqueira galega e afirma que “Galiza é competente” para poñer en marcha estes procesos xudiciais
Santiago de Compostela, 8 de abril de 2011. O portavoz do BNG, Bieito Lobeira presentou hoxe, en sede parlamentar, ante os medios de comunicación, unha proposición non de Lei para defender o sector pesqueiro galego a través dun novo estatus político –institucional para Galiza nesta materia.
O parlamentario do BNG non dubidou na posibilidade de encetar un proceso xudicial ao fin de impugnar as directivas da Unión Europea que –ao seu xuízo- “atacan sistematicamente a capacidade pesqueira galega” porque- dixo- “Galiza ten competencias exclusivas” en materia de pesca interior e marisqueo e non imos tolerar que “un señores de Bruxelas” nos digan o que temos que pescar e onde.
Galiza, un Estado diante da U.E
Para o deputado nacionalista, a situación do sector pesqueiro galego na actualidade “é dramática” e neste contexto, -afirmou- que só podemos actuar como “un Estado” diante da Unión Europea porque non se pode actuar con covardía e resignación ante acordos que marxinan a flota pesqueira galega no propio mar galego.
Lobeira reiterou que o comportamento da Unión Europea é moi diferente segundo os estados e desgraciadamente, “Galiza está a ser maltratada” e por iso hai que defender as competencias exclusivas galegas en materia de pesca en augas interiores.
Neste sentido, reclamou unha presenza real de Galiza naqueles foros nacionais e europeos nos que se deciden os intereses pesqueiros para que a nosa pesca sexa un sector de futuro e desenvolvemento en Galiza.
O Partido popular prioriza e potencia o despece
Lobeira reprochou que os acordos da Unión europea, relativos á redución de capturas para a flota galega, sexan secundados e asumidos pola Xunta e o Partido popular a pesar de seren “nefastos” para este sector e que “dunha maneira obediente” segan reivindicando máis fundos para despece porque –dixo- a política do Partido popular consiste “nesta práctica” ou no amarre.
O portavoz de pesca do BNG insistiu en que durante 25 anos, a alternativa da Unión Europea en conivencia co Partido popular, é “despezar” a flota pesqueira galega e contra isto –afirmou- o Bloque Nacionalista galego seguirá reclamando o dereito a vivir do noso mar.
A proposición non de lei que será debatida proximamente no Parlamento galego tamén reclamará demandar a presenza do Goberno galego no Comité de Pesca hispanoportugués e a transferencia a Galiza das competencias , servizos e función en materia de investigación oceanográfica.
A Asociación Gastronómica de A Pontenova, en colaboración con Viajes Lucus, realizou a semana pasada unha viaxe a Almuñécar en Granada, onde puideron visitar a Alhambra, as Alpujarras e a Costa Tropical. Ademais, xa teñen preparada a viaxe gastronómica o Santoinho en Viana do Castelo a fin de semana do 8 e 9 de xuño a un prezo de 100 euros con todo incluído: mercado, bacallau, entrada ó Santoinho, pensión completa e mariscada nas Rias Baixas. Tamén está programada unha viaxe dunha semana ás Rías Baixas para desfrutar desta comarca galega, visitando todos os seus pobos e cidades por 220 euros. Poden anotarse en 
O Concello de Xove entregou os premios do CONCURSO LETRAS GALEGAS 2013, adicado este ano a Roberto Vidal Bolaño. O concurso foi convocado pola Biblioteca Municipal e constou de dous apartados, un literario e outro de artes plásticas. A entrega dos diplomas e premios foi presidida pola concelleira de Cultura, Dolores Meitín, acompañada de varios membros do xurado. A relación de premiados é a seguinte: