Somos un país pobre
25-06-11SOMOS UN PAIS POBRE
Hai crise económica, financeira, climática, alimentaria, política, pero, sobre todo, de confianza. E o curioso é que unha e outra vez nos din que non haberá xeito de remontar se non somos capaces de recuperar esta última. O paradoxo é que eses mesmos que nos apuran a acicalarnos para enfrontarnos radiantes ao espeso futuro, a pouco que fican as catro frases feitas de bo rolo apúranse a sementar os máis sombríos agoiros que, polo que nos contan, lévannos á Apocalipse.
Pasamos do «Esto vai ben» ao «Esto está fatal, é insolvente, a rémora de Europa», etc, etc, sen termo medio. Do «que bo vivir aquí» ao «a ver como escapamos». País de contrastes.
Agora toca, desencanto, desilusión, desafección, descreimiento, desconfianza, desalento. Aí están centos de miles de persoas nas rúas pondo voz a outros moitos miles que só barruntan negrura e ven con gran pesimismo o futuro.
Como andarán os ánimos que ata asumimos con normalidade a involución e que os mozos de hoxe, vivirán peor que os seus pais.
Así as cousas, como non se vai a cuestionar o modo de xestionar a cousa pública, o modo de como se fixo política, o que non quere dicir que se cuestione a política. Non resulta rechamante e ilusionante, canto se está falando de política nestes momentos? Máis que de fútbol. Un punto, pois, para o 15-M, ese activo e multitudinario movemento que, miren por onde, agora escandaliza a moitos dos establecidos que ata onte criticaban cínicamente o adocenamiento e conformismo dunha mocidade acomodada.
Ben é verdade que se fala desde o desánimo e isto xa ilusiona menos. Claro que, vistos os feitos, tal estado de postración é comprensible, sempre que quen están obrigados, pola responsabilidade contraída, a activar entusiasmos non só non o fan senón que, ao contrario, envían mensaxes aterradoras e de submisión a uns entes etéreos pero insaciables que agora chaman mercados e que recordan a Spectra, aquela organización de malos, malons, das películas de James Bond. E, claro, mal imos se só nos presaxian malos agoiros e non hai nin proxecto nin ninguén capaz de ilusionar. Triste futuro se todo pasa polo menos e o menos malo.
Calquera líder que se prece ten que soñar o imposible, mirar máis aló do horizonte e non amedrentar á tripulación coa inminencia das tormentas e marexadas.
Por suposto que nos preocupa que todo os indicadores sinalen que todo vai mal e sería unha colemia abstraerse da realidade; pero, se coincidimos en que a primeira crise a superar é a da confianza, é urxente un proxecto ilusionador non so dos politicos, sinon individual e despois colectivo que nos conmova para ben.
E de paso é imprescindible que nos poñamos xa de unha vez a concienciarnos de que nos enganaron, non somos ricos, somos un pais pobre e atañámonos ás consecuencias.
Otero Regal
O pasado sábado os corredores da ED Lourenzá participaron na Clásica dos Lagos de Covadonga, onde participaron preto de 3000 ciclistas. O equipo da sección de ciclismo laurentina estivo formado por Peixe, Luís, Félix, Andrés, Diego, Longarela e Paco. A competición non foi doada xa que tiveron que superar en plena proba un desnivel de 1200 metros. A vindeira saída está prevista para este domingo día 23 de xuño cando representarán ás ED Lourenzá en As Pontes no Desafío das Fragas do Eume, cunha participación duns 10 ciclistas. 
Organizadas pola ACIA de Alfoz, veñen de iniciarse este mércores día 19, unhas visitas escolares ó concello de Alfoz e ó Val do río Ouro. Vinte e un alumnos do instituto Illa de Sarón de Xove, acompañados de dous profesores, pasarán tres días polas nosas terras. Estas visitas inclúen unha chea de actividades deportivas, lúdicas e culturais, para a realización das cales colaboran diversas entidades locais, dende o mesmo concello ata asociacións culturais, deportivas, empresas, etc. A finalidade é procurar uns días de diversión ós escolares que veñan e, ó mesmo tempo, potenciar o aspecto turístico do Val.
ACISA entregou os premios do concurso convocado para elixir o slogan da próxima edición do Ribadeo aberto, que terá lugar o próximo 5 de xullo. 'Ribadeo aberto, paseo entre desexos' foi o slogan gañador. O seu autor é Marc Monforte Farnós que concorreu ó concurso co pseudónimo de Ni + ni -. El levarase 200 euros en vales de compra para gastar nos establecementos asociados a ACISA. O segundo premio de 100 euros en vales de compra foi para José Carlos Díaz Blanco. O seu slogan foi o que reuniu máis "Me gusta" en Facebook. O seu lema: 'Vén a Ribadeo e déixate levar polo seu encanto'.