O PSOE de Burela critica a anulación por parte do concello do IV Seminario de Jazz e Música Moderna
10-07-11Nota de prensa:
Asistimos estupefactos estes días á primeira medida “estrela” que toma o novo goberno municipal de Burela: a anulación do IV Seminario de Jazz e Música Moderna de Burela. E todo isto, sen dar explicación algunha e sen dar a cara, posto que non se atreven a comunicalo publicamente nin a explicarlle aos pais e nais do alumnado si se lles vai devolver, e cando, o diñeiro que pagaron en concepto de matrícula. Por certo, que os prezos de matrícula estaban aprobados en Xunta de Goberno. Tampouco se atreveron a comunicar nada disto ao profesorado do Seminario nin aos proveedores do mesmo, posto que, como é lóxico tendo en conta que se ía celebrar a mediados deste mes de xullo, todo estaba andando xa dende hai meses.
Por outra banda, tampouco explican a onde van ir os cartos que estaban aprobados no orzamento para este fin e só sabemos que, ao parecer, o encargado de xestionar ese diñeiro vai ser o Director da Escola de Música de Burela, é dicir, que vai ser un empregado do Concello o que decidirá a onde van ir os nosos impostos, xa que o goberno non se atreve a cumprir con unha das súas obrigas (xestionar os cartos que son de todos). Está claro que a este goberno, e en particular ao Sr. Alcalde e á Concelleira Mónica Pedre, fáltalles valentía. Cabe supoñer que os cartos se destinarán ao fin para o que se empregaban nos anteriores gobernos do PP, é dicir, a formar músicos para nutrir a Orquestra de Xove. E nós dicimos isto con valentía e sen tapuxos, posto que foi coñecido por todos este feito. E do mesmo xeito, pensamos que, tanto o Concello como a Dirección da Escola estan a esquecerse dunha sensibilidade importante que hai dentro da Escola. Falamos do gusto que hai nunha grande parte do alumnado polo estudo do jazz e da música moderna, xa que hai que recordar que o Seminario de Jazz tivo na última edición que se celebrou unha matrícula de 60 alumnos, dos que, como mínimo 40 estaban matriculados na Escola de Música. Nós cremos que, tendo en conta que a Escola conta con 100 matriculados, ninguén debería esquecerse desa sensibilidade que o anterior goberno si tivo en conta e si se encargou de potenciar, sabendo ademáis compaxinalo co estudo da música clásica, posto que nunca se deixaron de celebrar cursos de verán adicados a este tipo de música. Así, sempre fomos capaces de ter en conta ás distintas correntes que había dentro da Escola e que, o único que facían era que tiveramos unha Escola moito máis rica, culturalmente falando.
Hai outra cousa da que tamén se esquece a Sra Pedre, tamén concelleira de Cultura, e é do feito de que o Seminario de Jazz, era moito máis que un seminario e case podíamos consideralo un Festival, posto que había toda unha semana plagada de actividades paralelas, destacando especialmente os concertos nocturnos que enchían o pobo de xente interesada neste estilo musical. Veremos agora que oferta cultural nos propón a Sra. Pedre co mesmo diñeiro que gastábamos nós nun seminario que, ademáis de formación para 60 persoas, ofrecía concertos toda unha semana. Tampouco debemos esquecer que, grazas ao Seminario, Burela xa se convertira nun referente do jazz a nivel galego. Isto supoñemos que o conseguirá agora o novo goberno co estilo clásico….
En fin, por desgraza para todos nós, estamos a perder algo verdadeiramente importante, mais, especialmente por desgraza para os rapaces e rapazas que son os que realmente perden. De todos os xeitos, seguiremos a falar deste tema, porque nós, o grupo municipal do PSdeG-PSOE, non nos imos esquecer dunha das grandes medidas que tomamos na anterior lexislatura, e que, de seguro, voltaremos a tomar dentro de catro anos.
Os usuarios da Asociación de Axuda ó Enfermo Mental A Mariña desprazáronse a Chavín a visitar os “Eucaliptos de Chavín”, no Souto da Retorta. Alí tamén puideron coñecer o avó de Chavín, un eucalipto de 130 anos. Esta xornada permitiu un acercamento á natureza que redunda positivamente na súa melloría. Ademais, compartiron risas e coñecementos que favorecen a creación de grupo e a integración na comunidade. 
Alumn@s do IES Vilar Ponte de Viveiro participaron no Monasterio de Celanova nunha Unidade Didáctica sobre o órgano. O alumnado vivairense estivo acompañado polos tres profesores que forman o departamento de Música. A sesión explicativa sobre o órgano correu a cargo de Marisol Mendive, profesora de órgano do Conservatorio de Ourense. Estas sesións véñense celebrando desde fai varios cursos escolares e o IES Vilar Ponte é a primeira vez que participa. A xornada consiste nunha explicación e aproximación ao instrumento, que logo conclúe cun concerto didáctico onde os alumn@s interpretan unha serie de partituras á frauta e son acompañados pola organista. A experiencia resultou moi amena para o alumnado, que ten a oportunidade de ver de cerca o funcionamento deste instrumento; no caso do de Celanova unha verdadeira xoia do patrimonio galego. 
A Asociación de Mujeres en Igualdad Burela e Meniñ@s Centro de Formación y Ocio Educativo de Burela firman un convenio polo cal o centro ofrece de forma totalmente gratuita dúas prazas en turno de mañás para nenos cuxas nais se atopen en situación de exclusión social. Ademais, está orientado a fillos de vítimas de violencia de xénero. Desta forma, Meniñ@s quere colaborar coa labor que está a realizar a asociación Bumei. 
A Librería Bahía de Foz, con motivo do seu 50 aniversario, organiza a exposición 'Os Ollos das Palabras' do escultor Caxigueiro, e o poeta e pintor Baldo Ramos. A mostra estará no CENIMA de Foz dende o venres 24 de maio ata o venres 7 de xuño. A inauguración terá lugar o venres 24 de maio ás 20.30 horas nun acto no que se contará coas intervencións de Caxigueiro, ademais de Suso do Bahía e Cielo Fernández dende a Librería Bahía, recital de poesía de Baldo Ramos e música de Mano Panforreteiro.
A Asociación Amigos das Viaxes viaxou a terras de Portugal e Salamanca, onde as cen persoas participantes coñeceron as grutas de Santo Antonio, Tomar, Viseu... O domingo día 26 de maio e ás 19:00 horas terán unha xuntanza no Cenima de Foz coas cen persoas que viaxan aos Fiordos para o 20 de xullo.