O grupo Californic Action, tributando a Red Hot Chili Peppers, será o encargado este venres, 24 de maio, de abrir a programación da Sala Castelao para esta fin de semana. Trátase do terceiro concerto de unha serie de homenaxes que se están facendo este mes a grandes bandas de rock. Este ciclo péchase a próxima semana con Rockaway, que tributa a Dire Straits. O concierto iniciarase a medianoite e tendrá un coste de 5 euros, con dereito a consumición. O sábado, co título Riffs da Terra, celébrase na Sala Castelao o dobre concerto de Arrhythmia e Martelo, como representantes da nova escena rock galega. Ambos grupos de recente creación, o primero de Lugo e o segundo de Santiago de Compostela. O concerto iniciarase á hora habitual das 0:00 cun coste de 5 euros.

O alcalde, José Mª González Barcia, presidiu esta sala na sala de arte da Casa da Cultura a inauguración da exposición fotográfica De onte a hoxe: o urbanismo burelao en imaxes, realizada polos alumnos de 4º de ESO do IES Monte Castelo. Trátase do primeiro acto das festas patronais deste 2013. O rexedor recoñeceu o traballo feito polos mozos e mozas do Monte Castelo e animounos a seguir nesta liña. González Barcia dixo que “a exposición pretende amosarlle á xente cómo cambiou Burela”. E pediulles aos rapaces que “tomen a mostra coma unha lección, que miren ao pasado para facer bo o presente e mellorar o futuro”. O programa das festas patronais de Burela seguirá o vindeiro sábado, 25 de maio, co pregón que pronunciará o ex conselleiro de Pesca e senador Enrique López Veiga. Será ás 21 horas no auditorio da Casa da Cultura. A continuación haberá un concerto do grupo Cánere son. E xa ás 22 horas dará comezo na praza da Mariña a verbena coa orquestra Magos de España.

O vindeiro sábado 25 de maio Mofa e Befa estará no Teatro Pastor Díaz de Viveiro coa obra "Románticos!". Será ás 20.30 horas cunha duración de 100 minutos e para público adulto. Mofa & Befa regresan para colocar un dos mitos contemporáneos no seu sitio: o espírito romántico.

Os usuarios da Asociación de Axuda ó Enfermo Mental A Mariña desprazáronse a Chavín a visitar os “Eucaliptos de Chavín”, no Souto da Retorta. Alí tamén puideron coñecer o avó de Chavín, un eucalipto de 130 anos. Esta xornada permitiu un acercamento á natureza que redunda positivamente na súa melloría. Ademais, compartiron risas e coñecementos que favorecen a creación de grupo e a integración na comunidade.

Alumn@s do IES Vilar Ponte de Viveiro participaron no Monasterio de Celanova nunha Unidade Didáctica sobre o órgano. O alumnado vivairense estivo acompañado polos tres profesores que forman o departamento de Música. A sesión explicativa sobre o órgano correu a cargo de Marisol Mendive, profesora de órgano do Conservatorio de Ourense. Estas sesións véñense celebrando desde fai varios cursos escolares e o IES Vilar Ponte é a primeira vez que participa. A xornada consiste nunha explicación e aproximación ao instrumento, que logo conclúe cun concerto didáctico onde os alumn@s interpretan unha serie de partituras á frauta e son acompañados pola organista. A experiencia resultou moi amena para o alumnado, que ten a oportunidade de ver de cerca o funcionamento deste instrumento; no caso do de Celanova unha verdadeira xoia do patrimonio galego.

O venres, 24 de maio, ás 19:00 horas e no Museo Provincial do Mar de San Cibrao, continúa o ciclo “A Arqueoloxía e o Mar: Navegando na nosa historia”, coa cuarta conferencia a cargo de Víctor Bejega García e Eduardo González Gómez de Agüero baixo o título "De piscatores a mareantes: Evidencias arqueolóxicas de pesca e marisqueo en Punta Atalaia (San Cibrao, Cervo)". Estes relatorios teñen por obxectivo valorar o papel do mar ao longo da nosa historia. Organizan Marián Cueto (Instituto Internacional de Investigacións Prehistóricas de Cantabria, IIIPC) e Edgard Camarós (Instituto Catalán de Paleoecoloxía Humana e Evolución Social, IPHES), e patrocinan a Área de Cultura e Turismo da Deputación de Lugo e a Rede Museística Provincial. A entrada é de balde.

A Asociación de Mujeres en Igualdad Burela e Meniñ@s Centro de Formación y Ocio Educativo de Burela firman un convenio polo cal o centro ofrece de forma totalmente gratuita dúas prazas en turno de mañás para nenos cuxas nais se atopen en situación de exclusión social. Ademais, está orientado a fillos de vítimas de violencia de xénero. Desta forma, Meniñ@s quere colaborar coa labor que está a realizar a asociación Bumei.