A Cofradía da Misericordia celebra cada mes de maio unha romaría de Irmandade no Monte San Roque. Este ano será o vindeiro sábado 25 de maio e comezará ás once da mañá coa Misa de Saída na Capela da Misericordia para tomar rumbo cara a capela de San Roque na que ás doce e media se celebrará outra Misa. Ás dúas da tarde terá lugar a comida na Parrillada San Roque. Os interesados en participar poden comunicalo vía telefónica aos seguintes números: 667 64 70 43 e 635 15 39 46. O prezo da actividade é de 15 euros por persoa.

A Asociación Gastronómica de A Pontenova, en colaboración con Viajes Lucus, realizou a semana pasada unha viaxe a Almuñécar en Granada, onde puideron visitar a Alhambra, as Alpujarras e a Costa Tropical. Ademais, xa teñen preparada a viaxe gastronómica o Santoinho en Viana do Castelo a fin de semana do 8 e 9 de xuño a un prezo de 100 euros con todo incluído: mercado, bacallau, entrada ó Santoinho, pensión completa e mariscada nas Rias Baixas. Tamén está programada unha viaxe dunha semana ás Rías Baixas para desfrutar desta comarca galega, visitando todos os seus pobos e cidades por 220 euros. Poden anotarse en viajeslucus.com e no 982 043 00 ou 658 240 815.

O grupo de montaña do Club Deportivo “Marqués de Casariego” de Tapia organiza unha nova travesía polos concellos de Teberga e Somiedu que se celebrará o vindeiro sábado 25 de maio con saída as sete e media da mañá dende Tapia. Manolo Fraga e José Luís da Peruyeira exercerán de guías por terras do Puertu de S. L. Laurienzu, La Peña ‘L Michu, Brañas de Saliencia e Sapiencia. O prezo da actividade é de 5 euros para os socios, 3 para os colaboradores e 12 para os non socios. Os interesados poden inscribirse ata o xoves 23 de maio nos teléfonos: 689 175 515 (José Luís), 659 000 707 (Rafa) e 608 540 828 (Eva).

Un grupo de alumnos do CEIP de Vilariño de Conso visitaron esta semana o Eido Dourado, na praia da Pasada, en Barreiros. O seu creador, Celso Dourado, guióunos pola exposición das súas obras. Aínda que de outubro a xuño este lugar adicado ao arte está pechado é posible que rapaces e rapazas dos centros de ensino desta zona ou doutras localidades galegas se acheguen en grupo a coñecer estas instalacións e a pintura do seu autor.

O Concello de Xove entregou os premios do CONCURSO LETRAS GALEGAS 2013, adicado este ano a Roberto Vidal Bolaño. O concurso foi convocado pola Biblioteca Municipal e constou de dous apartados, un literario e outro de artes plásticas. A entrega dos diplomas e premios foi presidida pola concelleira de Cultura, Dolores Meitín, acompañada de varios membros do xurado. A relación de premiados é a seguinte:
CEIP PEDRO CASELLES ROLLÁN: en artes plásticas Iago Rivas Balsa, Daniel Bertolo Casabella, Alejandro Parapar Fernández, Joel González Rodríguez, Luis Rouco Basanta, Rocío Fernández Silva, Candela Fernández López, Gabriela Dayán Seara, Lucía Sánchez Corbelle, Claudia Vázquez Sánchez, Sabela Rodríguez Lage, Lucía Sánchez, Adrián Rouco Basanta, Xoel Eijo Díaz, David Paleo Díaz, Nerea Rivas Balsa, Noel Quelle Martínez, Laura Cuadrado López.
PREMIOS ALUMNOS/AS DO IES ILLA DE SARÓN: Isabel Carvalho Machado, Juan Manuel Ferro Santos, Mari Luz Abad Vázquez, Moisés Folgueiras Rodríguez, Alba Rodríguez Lage, Laura Iglesias Mariño, Javiera Duarte Araya, Salomé Cardoso Rodríguez, José Matías Duarte Araya.

Nicola Bermingham, profesora do Departamento de Linguas e Estudos Interculturais da Heriot-Watt University de Edimburgo (Escocia), estará entre os días 18 e 30 do presente mes de maio en Burela para coñecer de xeito directo o Modelo de Planificación Lingüística aplicado na localidade. A investigadora irlandesa prepara a súa tese de doutoramento baixo a dirección da profesora Bernadette O'Rourke, que xa estivo en Burela para tomar contacto coa realidade a investigar.
Ademais de visitar o Instituto Perdouro, Nicola Berminghan coñecerá a realidade social de Burela, á que dedicará un capítulo da súa investigación, e farao coa colaboración de Matías Nicieza.

A Asociación de Comerciantes, Industriais e Autónomos de Foz e a Federación de Comercio de Lugo organizan unha xornada informativa sobre 'Redución de custes de xestión, directos e de oportunidade, clave para xerar beneficios'. A xornada levarase adiante o vindeiro mércores, 22 de maio, a partires das 20:30 horas na Casa da Cultura de Foz. Os encargados de impartila son: Camilo Villasante Méndez, director e fundador de Helper, Márketing e Expansión; Cristina Ascariz, responsable da área enerxética de Indutec; e José Manuel Fernández, consultor comercial de Femxa for pymes. Os poñentes abordarán cuestións coma o punto de venda, a eficiencia enerxética e a formación. Con ACIA Foz e a Federación de Comercio de Lugo colaboran o Concello focense e a Deputación Provincial de Lugo.