O PSOE advirte que non se pode xogar cos servizos sanitarios da comarca de A Mariña
11-08-11Nota de prensa
ISMAEL REGO ADVIRTE AO GOBERNO DE FEIJOO E AO PP “QUE NON SE PODE XOGAR DE XEITO IMPROVISADO COS SERVICIOS SANITARIOS DA COMARCA DA MARIÑA LUGUESA”
-O deputado do Grupo Socialista Ismael Rego afirma que “unha cousa é falar da xestión integrada da actual área sanitaria, buscando a máxima coordinación e optimización dos medios”, e outra moi distinta “é a supresión da area sanitaria como pretende a Conselleira de Sanidade”
-O deputado lémbralle ao executivo autonómico a necesidade dunha resposta urxente para a ampliación do Hospital e a posta en marcha do plan de mellora da atención primaria
-Sinala que o Grupo Parlamentario Socialista entende que os Mariñaos estean fartos dos titulares mediaticos de Feijoo sobre as presuntas melloras na atención sanitaria da zona, e subliña que ademais “teñen que sufrir as maiores listas de espera do sistema sanitario galego”
Burela, 11 de agosto de 2011. O deputado do Grupo Parlamentario Socialista Ismael Rego advertiu hoxe que ao Goberno de Feijoo e ao PP “non se pode xogar de xeito improvisado cos servizos sanitarios da comarca da mariña luguesa”.
O deputado lémbralle ao executivo autonómico a necesidade dunha resposta urxente para a ampliación do Hospital e a posta en marcha do plan de mellora da atención primaria, co fin de ampliar a capacidade de atención deste servicio na zona e en liña coas súas necesidades.
O deputado socialista afirma que “unha cousa é falar da xestión integrada da actual área sanitaria, buscando a máxima coordinación e optimización dos medios, tanto de atención primaria como na especializada”, e outra moi distinta “é a supresión da area sanitaria como pretende a Conselleira de Sanidade”. Por iso denuncia que “os cidadáns da Mariña non podemos tolerar esta situación de deixadez e abandono”, espetou.
Sinala que o Grupo Parlamentario Socialista entende que os Mariñaos estean fartos dos titulares mediaticos de Feijoo sobre as presuntas melloras na atención sanitaria da zona, e subliña que ademais “teñen que sufrir as maiores listas de espera do sistema sanitario galego”.
A Asociación Veciñal e Cultural “Irmandade San Caetano” de Celeiro de Mariñaos, organiza para o vindeiro sábado 25 de maio a Festa das Letras, tal como se vén facendo nesta parroquia barreirense na última década. Os actos terán lugar nas escolas a partir das 7 da tarde, que será cando se realicen as actividades dirixidas ao público infantil, consistentes en xogos populares e de animación así como outras actividades relacionadas coa cultura e coa lingua galegas. Todos os participantes recibirán os correspondentes agasallos. Ás nove e media da noite terá lugar a representación de “Véndese unha mula e A Pousada”, a cargo do grupo de teatro Axóuxeres de Vilaronte.
O vindeiro sábado 25 de maio Mofa e Befa estará no Teatro Pastor Díaz de Viveiro coa obra "Románticos!". Será ás 20.30 horas cunha duración de 100 minutos e para público adulto. Mofa & Befa regresan para colocar un dos mitos contemporáneos no seu sitio: o espírito romántico. 
Os usuarios da Asociación de Axuda ó Enfermo Mental A Mariña desprazáronse a Chavín a visitar os “Eucaliptos de Chavín”, no Souto da Retorta. Alí tamén puideron coñecer o avó de Chavín, un eucalipto de 130 anos. Esta xornada permitiu un acercamento á natureza que redunda positivamente na súa melloría. Ademais, compartiron risas e coñecementos que favorecen a creación de grupo e a integración na comunidade. 
Alumn@s do IES Vilar Ponte de Viveiro participaron no Monasterio de Celanova nunha Unidade Didáctica sobre o órgano. O alumnado vivairense estivo acompañado polos tres profesores que forman o departamento de Música. A sesión explicativa sobre o órgano correu a cargo de Marisol Mendive, profesora de órgano do Conservatorio de Ourense. Estas sesións véñense celebrando desde fai varios cursos escolares e o IES Vilar Ponte é a primeira vez que participa. A xornada consiste nunha explicación e aproximación ao instrumento, que logo conclúe cun concerto didáctico onde os alumn@s interpretan unha serie de partituras á frauta e son acompañados pola organista. A experiencia resultou moi amena para o alumnado, que ten a oportunidade de ver de cerca o funcionamento deste instrumento; no caso do de Celanova unha verdadeira xoia do patrimonio galego.