O viveirense Iago Barro Sánchez xa é porteiro do Burela FS
03-08-11O viveirense Iago Barro Sánchez xa é porteiro do Burela FS
Nota de prensa
O BURELA FS PRESENTA OFICIALMENTE O PORTEIRO IAGO BARRO
O viveirense Iago Barro Sánchez xa é porteiro do Burela FS. As negociacións puxeron o peche onte pola tarde coa formalización do contrato na sede laranxa, nunha cita na que o mariñán se reuniu co vicepresidente do club, Manuel Blanco.
Dende o Mera FS, de Primeira Nacional A, Iago Barro, aos 22 anos, chega “moi ilusionado e contento” á escuadra laranxa, como un dos gardametas galegos con máis proxección, para compartir responsabilidades baixo os paus co burelao Brais. “É un verdadeiro reto poder estrearme na Segunda División cun equipo de gran calidade, que opta ano tras ano aos play off” dixo o viveirense, formado na base do Puerto Celeiro, que ten os obxectivos moi claros: “Veño para xogar no Burela FS, non só para adestrar; traballarei duro para competir co equipo e gañarme un sitio no fútbol sala profesional”. “A pesar do hándicap do salto de categoría creo que me adaptarei rapidamente a un equipo no que xa coñezo a Christian, Juanma e Manu, ademais de Brais, co que me enfrontei en xuvenís nos derbis Burela-Puerto Celeiro. Estarei preto da casa e entre amigos e iso facilitarame as cousas” asegurou o novo meta laranxa.
Manuel Blanco trasladou a satisfacción do club laranxa por “acoller entre as filas burelistas a un deportista da Mariña con moito futuro que, aínda sendo moi novo, xa conta con experiencia contrastada”. “Iago súmase á nosa aposta de rexuvenecemento dun cadro con moita marxe de proxección” dixo o directivo.
A Asociación de Mujeres en Igualdad Burela e Meniñ@s Centro de Formación y Ocio Educativo de Burela firman un convenio polo cal o centro ofrece de forma totalmente gratuita dúas prazas en turno de mañás para nenos cuxas nais se atopen en situación de exclusión social. Ademais, está orientado a fillos de vítimas de violencia de xénero. Desta forma, Meniñ@s quere colaborar coa labor que está a realizar a asociación Bumei. 
A Librería Bahía de Foz, con motivo do seu 50 aniversario, organiza a exposición 'Os Ollos das Palabras' do escultor Caxigueiro, e o poeta e pintor Baldo Ramos. A mostra estará no CENIMA de Foz dende o venres 24 de maio ata o venres 7 de xuño. A inauguración terá lugar o venres 24 de maio ás 20.30 horas nun acto no que se contará coas intervencións de Caxigueiro, ademais de Suso do Bahía e Cielo Fernández dende a Librería Bahía, recital de poesía de Baldo Ramos e música de Mano Panforreteiro.
A Asociación Amigos das Viaxes viaxou a terras de Portugal e Salamanca, onde as cen persoas participantes coñeceron as grutas de Santo Antonio, Tomar, Viseu... O domingo día 26 de maio e ás 19:00 horas terán unha xuntanza no Cenima de Foz coas cen persoas que viaxan aos Fiordos para o 20 de xullo.
A Asociación Gastronómica de A Pontenova, en colaboración con Viajes Lucus, realizou a semana pasada unha viaxe a Almuñécar en Granada, onde puideron visitar a Alhambra, as Alpujarras e a Costa Tropical. Ademais, xa teñen preparada a viaxe gastronómica o Santoinho en Viana do Castelo a fin de semana do 8 e 9 de xuño a un prezo de 100 euros con todo incluído: mercado, bacallau, entrada ó Santoinho, pensión completa e mariscada nas Rias Baixas. Tamén está programada unha viaxe dunha semana ás Rías Baixas para desfrutar desta comarca galega, visitando todos os seus pobos e cidades por 220 euros. Poden anotarse en