22 de Setembro de 2014

Correo | Favoritos  | Imprimir   

O BNG prefire a fusión de concellos por consenso que a “fusión por arriba” anunciada pola Xunta

21-03-12

Nota de prensa:

O BNG CONTRAPÓN A PROPOSTA DE FUSIÓN DE ALFOZ E VALADOURO, FROITO DO CONSENSO SOCIAL E POLÍTICO, Á “FUSIÓN POR ARRIBA” ANUNCIADA POR FEIJÓO NO DEBATE DO ESTADO DA AUTONOMÍA

Manuel Parga asegura que existen claros motivos de necesidade e conveniencia económica para esta fusión “por abaixo” e lembra que existen acordos das corporacións municipais que avalan a proposta

Santiago de Compostela, 21 Marzo 2012.- O deputado do G.P do BNG Manuel Parga defendeu hoxe a fusión dos concellos de Foz e Valadouro e pediu a intervención da Xunta para facela viábel por ser unha demanda dos propios concellos e dos seus cidadáns.

Parga asegurou que se trata dunha proposta que conta cun elevado consenso social e político, é dicir, é unha proposta por “abaixo” non imposta dende arriba, como a dos concellos de Oza e Cesuras que anunciou Feijóo a pasada semana no Debate do Estado da Autonomía.

Neste sentido, o deputado do BNG lembrou que o anuncio do presidente da Xunta foi un “coello sacado da chisteira” para agochar, máis unha vez, a súa incapacidade para facer fronte á crise e aos problemas dos concellos.

Malia recoñecer que as fusións non son os principais problemas da administración local nin do País nin van solventar todos os problemas de financiamento municipal, “existen claros motivos de necesidade e conveniencia económica e social, así como grandes consideracións de orde xeográfico e demográfico” para xustificar a destes casos concretos.

Manuel Parga recordou que o Val do Ouro ten moita vida social en común, ten moitos vencellos, está perdendo poboación a un tempo, etc, polo que unha forma de garantir a súa supervivencia é grazas á fusión e por iso existen acordos das respectivas corporacións municipais neste sentido.

O parlamentar informou de que en Alfoz se aprobou por unanimidade reclamar á Xunta, á Fegamp e á Deputación un estudo sobre a viabilidade da fusión e no caso de Valadouro a corporación municipal aprobou por maioría absoluta iniciar os trámites para facela efectiva.

Parga lamentou que malia esta realidade, o director xeral de Administración Local –encargado de dar resposta á pregunta do BNG sobre este asunto, que se debatiu esta tarde na Comisión Institucional do Parlamento- negara que existan os ditos acordos municipais, comprometéndose a valorar o caso de seguirse os trámites administrativos pertinentes.

Ao que o deputado respostou ironizonado, preguntado cal foi o procedemento administrativo seguido por Feijóo para facer o grande anuncio mediático de Oza e Cesuras.

Asemade, fixo ver ao director xeral que dicindo que descoñece o aprobado en Alfoz e Valadouro demostra ou que minte ou que mantén moi pouca relación institucional cos concellos e entra en total contradicción co declarado polos alcaldes, ambos do PP, contrarios á fusión e que chegaron a declarar que este tipo de medidas só benefician á Xunta e ao goberno do Estado.

Article Global Facebook Twitter Myspace Friendfeed Technorati del.icio.us Digg Google StumbleUpon Eli Pets