A Deputación liquida o 95% da débeda do canon nos Concellos sen sentenza favorable con 5,7 millóns de euros
– A institución salda o canon en Taboada, concluíndo con esta débeda en 12 Concellos sen sentenza favorable, mentres ultima as derradeiras obras de 300.000 euros en Paradela, Ribas do Sil e O Páramo
– Deputación e USC catalogarán as zonas de Terras do Miño e Os Ancares para renovar a declaración de Reserva da Biosfera por parte da UNESCO e continuar co desenvolvemento sostible destes espazos
– O barrio de San Pedro, situado en Ribas do Sil e integrado por 100 veciños dos que o 60% son maiores, terá unha área recreativa con parque biosaudable mediante fondos provinciais e da UE
O voceiro provincial socialista, Manuel Martínez, avanzou hoxe que a Deputación leva investido nos 15 Concellos lugueses con produción hidroléctrica e sen sentenza favorable 5,7 millóns de euros mediante o Plan do Canon. Esta cantidade representa o 95% do total, que ascende ós 6 millóns de euros, que lles corresponde a estes municipios.
Martínez apuntou que xa se puxo fin ó canon no Saviñao, Taboada, Portomarín, Guntín, Carballedo, Pantón, Quiroga, Sober, Monforte de Lemos, Pobra do Brollón, A Fonsagrada e Negueira de Muñiz. A institución está agora a ultimar as derradeiras actuacións, por valor de 300.000 euros, en Paradela, Ribas do Sil e O Páramo para liquidar a débeda histórica do canon nos Concellos sen sentenza favorable. A institución provincial xa saldou esta débeda en Chantada, o único municipio con sentenza favorable, investindo 5 millóns de euros na execución de actuacións tales como a construción do auditorio municipal ou a remodelación das piscinas exteriores, entre outras.
Precisamente, este venres a Xunta de Goberno puxo fin ó canon en Taboada, aprobando o derradeiro trámite que permitirá iniciar nos vindeiros días a tamén a derradeira obra con cargo a este Plan en dito municipio do sur da provincia. Tratase da pavimentación e renovación da rede de abastecemento na rúa Rosalía de Castro, situada na capitalidade taboadesa, por valor de 47.000 euros.
Con estas actuacións, a Deputación achegou a Taboada un total de 538.300 euros. Este orzamento investiuse, principalmente, na mellora de accesos rurais: son os de As Neves-Xián, Insua-Vilar, Sobrecedo de Abaixo e Sobrecedo de Arriba; así como no acondicionamento das rúas Peizá, Polvorín e agora Rosalía de Castro; ademais do campo da festa de Vilar-Ider.
Reservas da Biosfera
A Deputación e a Universidade de Santiago de Compostela catalogarán os espazos que integran Terras do Miño e Os Ancares Lucenses para acadar a renovación da declaración de Reservas da Biosfera por parte da UNESCO e continuar co desenvolvemento sostible e económico destes espazos. A Xunta de Goberno acordou a contratación do servizo de actualización dos recursos de Terras do Miño e Os Ancares Lucenses por valor de 15.000 euros, procedentes do convenio co Ministerio de Medioambiente e, polo tanto, subvencionados nun 66% por fondos estatais.
Expertos da USC establecerán determinarán 3 zonas nas Reservas: zona núcleo, a integrada por espazos protexidos; zona tampón, a que protexe ás zonas núcleo; e zona de transición, a de realización de actividades para o desenvolvemento socioeconómico das Reservas. Terras do Miño ten definido estes territorios dende 2002, data na que a UNESCO declarou este espazo como Reserva da Biosfera. Pola súa banda, Os Ancares Lucenses conta con esta catalogación dende 2006. Nembargantes, a ampliación da Rede Natura require da súa actualización de cara a revisión que fará a UNESCO en 2013 para a renovación das declaracións de Reservas da Biosfera. Son tres os requisitos mínimos que deben cumplirse: a formación dos Órganos de Xestión, cos que xa conta Terras do Miño e Os Ancares Lucenses; a creación dun Plan de Acción, que a Deputación ten en vías de contratación por valor de 100.000 euros tamén procedentes do convenio co Ministerio de Medioambiente; e a zonificación do territorio, traballos que o organismo provincial adxudicou hoxe.
A Xunta non cumpre
Manuel Martínez salientou que “mentres a Deputación fai os deberes a Xunta de Galicia, responsable da Reservas de Eo-Oscos-Terras de Burón que integra 7 Concellos lucenses, non cumpriu, polo de agora, con ningún dos requisitos. A súa desidia e a falta de interese por Lugo, están a facer perigar a excepcional condición desta zona natural na que se atopa os municipios de Ribadeo, Trabada, A Pontenova, Riqueira de Piquín, A Fonsagrada e Negueira de Muñiz. O Goberno galego está a desaproveitar a oportunidade única dos recursos naturais destes Concellos para impulsar a economía lucense. Unha vez máis, vemos as diferencias entre Deputación de Lugo e Xunta”.
Nova área recreativa
A Xunta de Goberno aprobou, ademais, unha subvención excepcional ó Concello de Ribas do Sil para a creación dunha nova área recreativa no coñecido como o barrio de San Pedro. Trátase dun proxecto dotado de 57.800 euros, dos que a Deputación achega 17.800 euros e a Unión Europea 40.000 euros mediante o Grupo de Desenvolvemento Rural da Ribeira Sacra. O voceiro explicou que se habilitará un ampla zona verde cun parque biosaudable nunha zona próxima ós núcleos rurais de San Pedro, A Cova e Pousavella, que contan cuns 100 habitantes dos que o 60% son maiores.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
