Veiga denuncia que as novas taxas xudiciais deixan en papel mollado a tutela xudicial efectiva
O BNG insta a Xunta a que manteña os xulgados de Viveiro e Mondoñedo.
O Bloque Nacionalista Galego anunciou que presentara no conxunto das corporacións da Mariña unha iniciativa na que expresa o seu rexeitamento a proposta de modificación que se están preparando no Goberno e no Consello Xeral do Poder Xudicial (CXPX) da Lei de Demarcación e Planta Xudicial e que podería provocar a desaparición dos Xulgados de Viveiro e de Mondoñedo. Na mesma liña os nacionalistas que demandan unha resposta social contundente que paralice a proposta do executivo, esixen da Xunta de Galiza unha oposición profunda a esta reforma, posto que a posición da comunidade Autónoma é vinculante, polo que da súa decisión depende a desaparición de sete xulgados en Lugo.
Segundo o Portavoz Comarcal do BNG, Antonio Veiga, “estamos diante dunha proposta trampa posto que os criterios que fixa o PP na proposta de reforma chocan coa súa formulación práctica. Así, o criterio de que cada partido xudicial teña alomenos 100.000 habitantes contradí esta norma porque se sumamos os partidos xudiciais de Chantada, Monforte e Sarria xa sobrepasaríamos esta cifra ou a proposta de que que haxa un mínimo de oito xuíces por cada xulgado tampouco se cumpriría no caso de Lugo, nin sequera sumando os de Vilalba, Mondoñedo e Viveiro, que en total son 6”. “Non so estamos alonxando a xustiza dos cidadáns”, indicou Veiga “ senón que a decisión afectaría directamente ao emprego e actividade económica de determinadas vilas que hoxe acollen as sedes xudiciais senón tamén as súas comarcas de influencia. E o que é máis grave, pérdese o sentido da xustiza como un dereito e como un servizo público e ráchase co principio xudicial de tutela xudicial efectiva recollido na Constitución. Achegar a xustiza ós cidadáns é un deber. Por tanto, se se alonxan os xulgados, alónxase a xustiza.”
Na mesma liña Veiga destacou que “ coa nova redistribución, o PP establece un sistema real de acceso á xustiza só para persoas con capacidade económica alta, privando a aqueles que non dispoñan dunha situación desafogada da interposición de reclamacións xudiciais en defensa dos seus dereitos ou intereses, pois o reparto inclúe, ademais, un incremento nas taxas polo servizo prestado cun claro fin recadatorio. Por exemplo, reclamar unha neglixencia médica suporá un desembolso de 350 euros; nos procedementos laborais, un traballador/a que queira recorrer unha sentenza por despido o prezo ascenderá a 500 euros; nos contencioso-administrativos como recorrer unha multa de tráfico, a cantidade a desembolsar será de 200 euros, ou nos procedementos civís ordinarios, como é a reclamación dunha débeda superior a 6.000 euros, haberá que aboar 300 euros. Isto evidencia que a xustiza non só pasará a ser máis lenta, senón tamén moito máis cara”.
O Responsábel Portavoz Comarcal do BNG denunciou que “estamos diante dun ataque máis a nosa comarca e ás maiorías sociais. O PP utiliza a crise como coartada para aumentar as fendas territoriais e as desigualdades sociais e no caso de que esta reforma fose adiante non só lle estaríamos asentando a un duro golpe a vilas como Mondoñedo ou Viveiro senón que estaríamos retrocedendo no tempo, na medida que significaría camiñar na centralización de servizos. Ademais implicaría un maior colapso da administración de xustiza, nos temos claro que o camiño a percorrer e diametralmente oposto até o punto de que o que se precisa é dotar de máis medios aos xulgados existentes e aumentar a oferta xudicial na Comarca. Non é de recibo que a día de hoxe non dispoña dunha sala do social ou dunha sala do contencioso administrativo”.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
