O BNG denuncia que o PP segue dando pasos adiante no desmantelamento da área Sanitaria da Mariña, o último co Plan de Ordenación de Recursos Humanos do SERGAS publicado o 18 de maio.
Estúa advirte da definición tendenciosa do texto sobre o modelo de estrutura e xestión das tres áreas sanitarias de Lugo e os calculados intentos de colar pola porta falsa o modelo de xestión integrada.
A Mariña, 23 de maio de 2012. O BNG sumouse hoxe ás denuncias feitas publicas trala publicación o pasado 18 de maio da orde pola que se aproba o Plan de Ordenación de Recursos Humanos do SERGAS na que textualmente inclúese como “xerencias de atención especializada de Lugo” a xestión integral dos recursos do Complexo Hospitalario Xeral-Calde, Hospital Comarcal de Monforte e Hospital da Costa-Burela, correspondentes ás áreas sanitarias de Lugo, Monforte e Cervo. Os nacionalistas acusaron á Xunta de xerar confusión coa redacción desta orde xa que as xerencias ou son propias de cada área ou simplifícase nunha provincial con xestión integrada pero non as dúas cousas á vez. Xoán Antón Estúa, Vice-responsábel Comarcal do BNG, deixou claro que “as mobilizacións sociais na comarca foron quen de parar o Decreto de Xestión Integrada xa aplicado en Pontevedra, Ourense e A Coruña e alertou sobre as intencións da Xunta de intentar meter pola porta de atrás este modelo no que se continúa insistindo mesmamente nesta orde.”
A mobilidade do persoal do SERGAS aberta nesta orde non axuda ao mantemento dos servizos e prestacións sanitarias na Mariña.
No Plan de Ordenación de Recursos Humanos do SERGAS insístese na mobilidade do persoal dun centros hospitalarios a outros e tamén entre áreas sanitarias en función das necesidades asistenciais polo, para o responsábel comarcal nacionalista, “detrás dos profesionais van os servizos e detrás dos servizos os e as doentes”, “non podemos consentir que no canto de mellorar as nosas infraestruturas e servizos sanitarios poidamos perder o que xa temos”,afirmou Estúa.
Confusión e ambigüidade na definición do modelo de xestión na atención especializada en Lugo.
Para o BNG o texto da Orde na que se publica o Plan de RR.HH. do SERGAS é “confuso e tendencioso”, especialmente no apartado dedicado á estrutura do SERGAS e concretamente na definición do modelo de xestión en Lugo para as tres áreas sanitarias existentes. Os nacionalistas entenden que o texto tal e como está redactado cun ámbito de xerencia provincial pode interpretarse como “un intento de colar pola porta de atrás” o traslado de competencias na xestión da Area Sanitaria da Mariña a Lugo, tal como víñamos denunciando fai tempo dende o BNG ou dende a Plataforma na Defensa da Sanidade Pública da Mariña. Para Estúa “as xerencias ou son propias de cada área ou simplifícase nun Decreto de Xestión Integrada provincial con xestión centralizada en Lugo pero non as dúas cousas á vez”, o nacionalista insistiu en que o texto é tendencioso e apunta as intencións do goberno do PP, “cunha folla de ruta encamiñada a aplicar na nosa comarca o baleirado de competencias na xestión da área sanitaria xa aprobado noutras comarcas do país.”
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos.