Jose Manuel Balseiro rexistrou unha iniciativa no Parlamento de Galicia para que os gastos deste operativo posto en marcha pola Xunta se repartan en proporción ao número de buques que cada comunidade destina a esta pesquería
O GRUPO POPULAR PROPÓN QUE AS COMUNIDADES AUTÓNOMAS DO CANTÁBRICO COLABOREN NO CUSTO DO OPERATIVO DE APOIO Á FLOTA DO BONITO
Galicia é a única comunidade que destina buques da súa titularidade para acompañar en alta mar a esta flota durante o tempo que dura a campaña e así asistila ante calquera incidencia.
Santiago, 19 de maio de 2012.- O voceiro do Mar do Grupo Parlamentario Popular, Jose Manuel Balseiro, rexistrou unha iniciativa no Parlamento galego na que propón que as comunidades autónomas do Cantábrico colaboren no financiamento dos custos do operativo loxístico de apoio á flota do bonito.
Pese a que todas as comunidades autónomas do Cantábrico (Galicia, Asturias, Cantabria e País Vasco) teñen buques que participan na campaña estival de pesca do bonito do norte, só Galicia -a través da Xunta- destina buques da súa titularidade –ben o buque polivalente Irmáns García Nodal ou o buque remolcador Sebastián de Ocampo- para que acompañen a esta flota en alta mar e a asistan ante calquera incidencia.
A iniciativa popular busca que os gastos deste operativo loxístico de apoio á flota posto en marcha en exclusiva pola Xunta se repartan proporcionalmente entre todas as comunidades en función do número de buques que cada una delas destina a esta pesquería.
Balseiro xustifica esta petición na necesidade de incrementar as medidas de cooperación e colaboración entre comunidades autónomas nun momento de axustes orzamentarios, así como na conveniencia de garantir unha maior eficiencia no emprego destes recursos que ao fin e ao cabo aínda que son titularidade da Xunta axudan e asisten ao conxunto da flota, sen importar á comunidade autónoma da que proveñan, dándose o feito de que máis do 80% das asistencias das pasadas campañas foron realizadas a buques de comunidades distintas á galega.
CAMPAÑA ANUAL
Segundo o deputado do PPdeG Galicia é, logo do País Vasco, a comunidade autónoma do Cantábrico que maior volume de pesca e valor acada na pesquería do bonito. De xeito habitual a costeira dedicada á pesca deste túnido, desenvólvese entre os meses de xuño e setembro. Os barcos con porto base en Galicia que dirixiron a súa actividade cara o bonito do norte superan o medio cento, cifra que temos que multiplicar por dous se engadimos o elevado número de embarcacións que empregan a nosa comunidade para efectuar as súas descargas.
Ano tras ano, indica Balseiro, a Consellería do Medio Rural e do Mar vén apoiando a esta flota a través de moi distintas actuacións como son a campaña etiquetado e promoción do consumo deste peixe, e o operativo de loxístico de apoio ás embarcacións que participan na costeira do bonito do norte.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
