O Partido Popular de Viveiro mostra o seu agradecemento a afiliados, simpatizantes e, en xeral, a todos aqueles veciños de Viveiro que colaboraron na recollida de material escolar.
Os populares realizaron na tarde deste venres a entrega a Cáritas do material escolar recollido na campaña. Neste primeira ocasión, o material escolar aportado polos veciños de Viveiro consistiu en 50 libros de texto, 80 bolígrafos, 50 lapis, 30 caixas de ceras de cores, 44 libretas, 14 tacos de plastilina, 1 caixa de paquetes de folios (5×500), tesoiras, gomas, afialapis, barras de pegamento, cartulinas, etc.
Pola súa banda, o presidente de Cáritas Viveiro, Antonio Ferreiro, mostrou o seu agradecemento polo material entregado e trasladou ao Grupo Municipal as necesidades polas que atravesa Cáritas no municipio, o que dará pe a novas iniciativas de carácter social por parte do PP de Viveiro. A xuízo de Cáritas, trátase dun verdadeiro éxito que demostra a solidariedade dos veciños de Viveiro cos máis necesitados.
A campaña permanecerá aberta durante todo o curso escolar. Polo mesmo, os populares queren facérllelo saber aos veciños para que aqueles que desexen realizar a súa doazón poidan facelo no momento que consideren oportuno. Neste sentido, recórdase que o horario de recollida do material doado é de luns a sábado de 10:30 a 13:00 horas na sede do Partido Popular de Viveiro.