O 28 de marzo o alumnado da ESO e de primeiro curso de Bacharelato do IES Plurilingüe San Rosendo de Mondoñedo puido disfrutar da adaptación teatral da mítica obra de intriga, A ratoeira, de Agatha Christie, levada a cabo por Mónica Camaño. Unha proposta do departamento de Normalización Lingüística para para poñer punto e final á segunda avaliación. A Casa Grande do Pozo dos Monxes abriu as súas portas aos primeiros hóspedes ao tempo que se produce un crime. A intriga propia da raíña da novela policial inglesa fixo que os asistentes dende o principio intentaran descubrir ó asasino. A representación teatral, moi coidada nos diálogos e na escenografía, de O Aturuxo de Melpómene non deixou indiferente ao respetable público. Os actores deron vida a unhas personaxes universais durante dúas horas de representación. É, sen ningunha dúbida, unha aposta do profesorado do centro para educar aos rapaces no ocio de calidade e de intruducilos na nosa cultura pola porta do teatro en tempos de crise.
‘A ratoeira’, de Agatha Christie, no IES de Mondoñedo
‘A ratoeira’, de Agatha Christie, no IES de Mondoñedo
Relacionado
-
Este martes houbo outra xornada de Brincos de Lecer na Casa da Cultura, que a alcaldesa de Cervo, Dolores García Caramés, non se quixo perder
-
Asociacións culturais, deportivas e veciñais convocan unha manifestación baixo o lema: “Médicos no Vicedo xa!”
-
Cheo absoluto no primeiro Faladoiro de Charlando do programa Arruguiñas no local da asoc. de Xubilados Terramar, na Casa do Mar de San Cibrao