25 de Marzo de 2017

Correo | Favoritos  | Imprimir   

Fernández Rey pediulle á Deputación de Lugo que axilice ao máximo o pago das axudas aos clubs deportivos de Burela

12-02-17

Burela, 11 de febreiro de 2017. O concelleiro de Deportes, Ramiro Fernández Rey, acompañou ao Burela FS á xuntanza mantida nas últimas horas co responsable da Área de Deportes da Deputación Provincial de Lugo, Pablo Rivera.

O edil socialista dixo que “alí falouse das axudas previstas para os clubs deportivos para este ano 2017. Saímos bastantes satisfeitos dese encontro. O que lle pedimos á Deputación é que axilice ao máximo o pagamento desas achegas, xa que o Burela FS depende moito delas”.

Fernández Rey tamén se referiu ao resto de clubs burelaos: “tamén lle falei no mesmo sentido a Pablo Rivera, soliciteille que axilicen moito o pago das axudas ao deporte local”.

Breogán
O concelleiro de Deportes, Ramiro Fernández, tamén mantivo unha reunión co presidente do CB Breogán, Jesús Lázare: “queremos establecer unha relación e colaboración directa co club de baloncesto Burela e co noso Concello para tentar achegar o baloncesto de elite á nosa vila. Gustaríanos que Burela acollese a celebración dalgún evento deportivo importante”. O edil burelés tamén estivo en contacto co director xeral do Estudiantes de Lugo. Fernández Rey engadiu que “estes primeiros contactos terán continuidade próximamente”.

Website Pin Facebook Twitter Myspace Friendfeed Technorati del.icio.us Digg Google StumbleUpon Premium Responsive