21 de Xuño de 2018

Correo | Favoritos  | Imprimir   

A Deputación de Lugo defende converter os Consorcios de Bombeiros en servizo público

09-03-17

Lugo, 8 de marzo de 2017.O Deputado de Turismo de Lugo, Eduardo Vidal Baamonde, a Vicepresidenta da Deputación da Coruña, Goretti Sanmartín Rei, e o Deputado de Economía de Pontevedra, Carlos López Font, acompañados de técnicos das 3 administracións, entregaron este mércores a representantes da Mesa Intersindical de Bombeiros de Galicia o informe xurídico sobre o novo modelo de xestión dos consorcios provinciais de bombeiros. Foi elaborado por as 3 Deputacións que defenden a xestión pública no conxunto das instalacións que prestan o servizo antiincendios.

Os representantes da Mesa Intersindical apoiaron dita proposta de conseguir que a xestión dos parques de Bombeiros Provinciais pase a ser de carácter público. Neste senso, representantes dos Bombeiros recoñeceron a labor das administracións por mellorar o servizo que se presta, así como as condicións laborais dos profesionais dos parques galegos.

Informe Xurídico
O informe xurídico do novo modelo de xestión dos Consorcios Provinciais de Bombeiros, elaborado polas Deputacións de Lugo, A Coruña e Pontevedra, é unha análise en profundidade da situación de cada un dos parques de cada un dos órganos; así como das posibilidades e alternativas para conseguir cambiar o modelo cara un servizo público.

Website Pin Facebook Twitter Myspace Friendfeed Technorati del.icio.us Digg Google StumbleUpon Premium Responsive