27 de Xuño de 2017

Correo | Favoritos  | Imprimir   

Medio milleiro de alumn@s dos centros de ensino da Mariña oriental participaron nos programas de prevención escolar durante o curso 2016/17, segundo os datos que deu a coñecer Mónica Fernández Lamparte

16-06-17

Ribadeo, 16 de xuño de 2017. O Programa de Prevención de Drogodependencias e outras Condutas Aditivas está a rematar os programas de prevención escolar que se desenvolveron durante o curso 2016/17 e nos que participaron medio milleiro de alumnos e alumnas.

Mónica Fernández Lamparte, psicóloga e responsable do devandito Programa de Prevención do Concello de Ribadeo, contou que “o Cinensino xa está rematado. Proxectáronse 3 películas e traballáronse as correspondentes Unidades Didácticas na aula cos titores e titoras. Participaron o Colexio Sagrado Corazón e o IES de Ribadeo Dionisio Gamallo con 218 alumn@s de 1º e 2º de ESO e 12 titores-as”.

No programa de Entrenamento en habilidades sociais dirixido a alumnado de 5º e/ou 6º de EPO, “constou de 4 sesións e participaron todos os CEIPs e colexios da Mariña Oriental, cun total de 135 alumnos-as. Rematamos xa o pasado 7 de xuño o programa de Entrenamento en habilidades sociais que desenvolvemos durante o presente curso con 135 alumn@s de 5º e/ou 6º de Primaria dos seguintes centros escolares: CEIP Gregorio Sanz, Colexio Sagrado Corazón, CEIP de San Miguel de Reinante, CEIP Celso Currás de Trabada e o CEIP Plurilingüe de A Pontenova”.

Fernández Lamparte explicou que “traballamos as habilidades sociais, como queixarse ou dicir cousas agradables ós outros, a empatía, e o acoso escolar, fixemos rol-playing e vimos curtametraxes varios. O alumnado participou moitísimo. Grazas a eles e elas, aos centros escolares, equipos directivos, equipos de orientación, titores-as e demais profesorado por o seu tempo e colaboración”.

A responsable do Programa de Prevención de Drogodependencias e outras Condutas Aditivas engadiu que “tamén tivemos Obradoiros informativos sobre Prevención do VIH en ESO, a cargo de ASEDUC e nos que participaron o IES de Ribadeo Dionisio Gamallo e o CIFP Porta da Auga. E agora estamos a traballar na memoria de actividades que debemos remitir á Xunta e programando actividades de información para familias. Así mesmo, continuamos informando na páxina de facebook AdicciónsZeroRibadeo e pronto presentaremos os resultados dos cuestionarios sobre consumo de alcohol recollidos durante este curso entre os escolares da ESO”.

Website Pin Facebook Twitter Myspace Friendfeed Technorati del.icio.us Digg Google StumbleUpon Premium Responsive