11 de Decembro de 2017

Correo | Favoritos  | Imprimir   

Dezaseis grupos presentaron as súas obras ao primeiro certame de teatro afeccionado Concello de Lourenzá

11-10-17

Lourenzá, 11 de outubro de 2017. Dezaseis grupos presentaron as súas obras ao primeiro certame de teatro afeccionado Concello de Lourenzá. A próxima semana un xurado, formado por sete veciñas e veciños de Lourenzá e presidido polo concelleiro de Cultura, Manuel Arango, seleccionará as oito obras que participarán no evento.

O edil de Cultura explicou que “ao proceso de selección presentáronse dezaseis grupos cun total de dezasete obras, xa que unha das agrupacións presentou dúas a concurso. Estamos moi satisfeitos polo éxito da convocatoria, que agardamos que sexa tamén de público nas futuras representacións. Ademais de nove grupos de A Mariña, inscribíronse no concurso catro grupos de Asturias, un de Lugo e outro de Rianxo (A Coruña)”.

Manuel Arango tamén anunciou que “as obras seleccionadas serán representadas durante o mes de novembro e o primeiro domingo de decembro terá lugar a gala de entrega de premios, clausurando este certame cunha actuación do recoñecido autor e actor Cándido Pazó”.

Website Pin Facebook Twitter Myspace Friendfeed Technorati del.icio.us Digg Google StumbleUpon Premium Responsive