15 de Decembro de 2017

Correo | Favoritos  | Imprimir   

Compromiso por Galicia alerta da futura perda de postos de traballo no sector da pesca e da crise que pode afectar a un sector principal da economia galega

05-12-17

Vigo 5-12-17. Para mais, Galicia quedou fora das rotas europeas de mercancias por decisións políticas, tema que no futuro terá tamén fondas consecuencias para a nosa economia.

As negociacións futuras sobre o Brexit teñen que ter como un dos puntos fortes a pesca. Recentemente temos visto como non se chegou a un acordo para a renovación de licencias pesqueiras nas augas da Guiné-Bissau, situación que pode ter unha repetición no futuro coa non renovación noutros importantes caladoiros para a nosa frota.

O secretario xeral de CxG, Piñeiro Docampo, di que levará este tema a Bruxelas a través da eurodeputada dos galeguistas na cámara Izaskun Bilbao.
Indica que neste campo, non se ten avanzado nada nos últimos tempos, sendo nula a acción política sobre este tema por parte dos actores implicados: Xunta, estado central e europarlamentarios como Pepe Blanco ou Francisco Millán Mon.
Esta situación pode levar nun futuro a unha grave situación no país, ante a falla de alternativas reais pola perda destes caladoiros e a inexistencia dun proxecto que relance aos portos de Vigo, Coruña e Ferrol como uns dos mais importantes do noroeste penínsular, xa que a estratexia lanzada de “portos azuis” é cativa para a potencialidade dos nosos portos ainda que estamos a ollar o claro retroceso dos mesmos nos últimos anos a favor de Leixões, que si está incluido na rede europea de transportes de mercadorias.

Diante desta situación o partido dos galeguistas pide a colaboración entre as administracións implicadas e un acordo de País para defender este piar da economia.
Os galeguistas propoñen un acordo de País, xa que os resultados do Brexit, tamén afectaran a mais portos como os de Celeiro, Burela, Marin ou Vilargacia de Arousa, moitos deles chaves nas economias de moitas comarcas e que afectará postos de traballo e moitas economias familiares.

Website Pin Facebook Twitter Myspace Friendfeed Technorati del.icio.us Digg Google StumbleUpon Premium Responsive