22 de Febreiro de 2018

Correo | Favoritos  | Imprimir   

O Concello de Cervo traballa na reparación da tubaxe dun filtro que provocou o baleirado da piscina olímpica municipal

12-02-18

Cervo, 12 de febreiro de 2018.- O Concello de Cervo traballa dende primeira hora da mañá na reparación da tubaxe dun dos filtros que provocou o baleirado, case completo, da piscina olímpica municipal de Lieiro.
O rexedor, Alfonso Villares, apuntou “que a avaría tivo que producirse onte domingo, que estivo pechada a instalación, porque o sábado funcionou con total normalidade; e foi esta mañá cando detectamos o problema”.
Villares suliñou que “dende o minuto un, que tivemos coñecemento da avaría, estamos a facer todos os traballos necesarios para recuperar canto antes a normalidade, e xa nos puxemos en contacto cos provedores cos que traballamos para adquirir as pezas danadas; pero este problema provocará que teñamos que pechar a instalación durante uns días, mentras se acometen os traballos e se volve encher a piscina”.
O alcalde recordou que sabemos que temos unha instalación única na provincia de Lugo, e das poucas que hai en Galicia, o que supón para nós unha honra, sen dúbida, pero loxicamente os gastos de mantemento tamén son importantes; e seguramente por iso, moitas grandes cidades non apostaron por instalacións deste tipo.
Temos que estar moi orgullosos da piscina, que é un luxo, e ter en conta –engadiu- “que son problemas ocasionais como os que nos podemos atopar nos nosos fogares, de xeito fortuíto, sen causa aparente”.

Website Pin Facebook Twitter Myspace Friendfeed Technorati del.icio.us Digg Google StumbleUpon Premium Responsive