19 de Agosto de 2018

Correo | Favoritos  | Imprimir   

Os sindicatos solicitan á Deputación a integración dos traballadores e a disolución de SUPLUSA

09-08-18

Lugo, 9 de agosto de 2018. Os sindicatos solicitan á Deputación de Lugo a integración dos traballadores da Sociedade Urbanística Provincial (SUPLUSA), así como a súa disolución. Así o avanzaron as centrais sindicais nun encontro mantido co Goberno da Deputación este xoves á petición dos propios sindicatos para abordar a problemática situación xurdida logo do retraso nos pagos por parte da Sociedade Mercantil aos seus traballadores.

No encontro, o Executivo expúxolle ás centrais sindicais que a problemática dos impagos era unicamente responsabilidade de SUPLUSA, e que os traballadores sempre puideron cobrar, tal e como finalmente aconteceu. Lembrar que o Goberno da Deputación ordenou, ata en 3 ocasións, o pago das nóminas atrasadas aos 29 traballadores de SUPLUSA, orde que finalmente acatou escollendo unha das vías que se propoñían en varios informes técnicos provinciais que lle foron remitidos.

Durante a reunión, o Executivo da Deputación avanzoulles que o Goberno Provincial está a elaborar un documento de disolución, logo dos encontros mantidos co Partido Popular, que conte con todas as garantías xurídicas para a disolución da Sociedade e a posible integración dos traballadores do xeito máis rápido, tal e como acontece coa TIC.

Exposta esta situación, os sindicatos da Deputación de Lugo apostaron tamén pola integración dos traballadores e a disolución da Sociedade Urbanística Provincial.

Valoración do Goberno
A Deputada Provincial, Pilar García Porto, valorou este primeiro encontro cos representantes sindicais “moi positivo” e explicou que “reunímonos con eles para escoitar as necesidade dos traballadores de SUPLUSA e trasladarlle o compromiso deste Goberno coa súa situación laboral. Hoxe avanzámoslle o documento que dende o Goberno da Deputación estamos a elaborar para realizar dita disolución con todas as garantías xurídicas e con rapidez, e do que esperamos que participe tamén o Partido Popular”.

“Os sindicatos e, polo tanto os traballadores, apostan, como así o leva defendido este Goberno da Deputación durante meses, pola disolución da Sociedade Urbanística Provincial, para evitar que estes profesionais volvan a verse prexudicados pola mala xestión do Presidente de SUPLUSA”, apuntou.

A Deputada lembrou que “a principal preocupación deste Goberno da Deputación son os dereitos dos traballadores, por iso lle ofrecemos á SUPLUSA a vía que debían seguir para abonar as nóminas, feito que finalmente aconteceu, demostrándose que os pagos dependían exclusivamente da Sociedade Urbanística Provincial”.

Website Pin Facebook Twitter Myspace Friendfeed Technorati del.icio.us Digg Google StumbleUpon Premium Responsive