19 de Decembro de 2018

Correo | Favoritos  | Imprimir   

Coa entrada en funcionamento das novas instalacións do Hospital da Mariña, en Burela, producíronse cambios no tráfico rodado e algunhas rúas como Rafael Vior e a dos institutos serán unidireccionais

06-12-18

Burela, 8 de decembro de 2018. Coa entrada en funcionamento das novas instalacións do Hospital da Mariña, en Burela, producíronse cambios no tráfico rodado. O alcalde, Alfredo Llano, subliñou que para subir a este centro haberá que facelo pola rúa dos Institutos e a saída será a través de Rafael Vior. Ambas rúas serán de dirección única.
O rexedor dixo que “hoxe inaugurouse o funcionamento das novas instalacións do Hospital, tanto o aparcamento como as dependencias para a atención sanitaria, e quero dicir que derivado disto, tal e como está agora a porta de entrada do Hospital, se modificou substancialmente o tráfico rodado nesa zona”.
Alfredo Llano pide a colaboración veciñal e dos usuarios do Hospital da Mariña: “teño que dicir, para que o saiba todo o mundo, para que colabore e que estea atento, que agora a subida é pola rúa dos Institutos, pasa paralela nun só sentido ata a rúa Rafael Vior, que pasa a ser unidireccional e vai ser de baixada ata a rúa Real. Deste xeito sería a subida pola rúa dos Institutos para ir ao Hospital e a baixada por Rafael Vior, que pasa a ser unidireccional ao igual que a rúa que pasa por diante do Hospital. É para que o saiba todo o mundo, que colabore e teña a seguridade de facer estas manobras que van estar perfectamente indicadas. A ver se entre todos dinamizamos o tráfico e non se crean problemas nesa zona que é moi importante”.
Xestión da Concellería de Cultura
O alcalde referiuse ás últimas críticas vertidas polo PP sobre José Díaz: “desde o equipo de goberno procuramos facer sempre o noso traballo da mellor maneira posible, pensando no ben común e sen horarios porque estamos no Concello moitas horas polo día e incluso pola noite, atendemos a todo mundo sexa nas rúas ou no propio Concello. Pero realmente o que nos interesa é facer un bo traballo, ter unha boa representatividade e atender o que nos din os veciños, sexan os problemas que sexan”.
Llano puntualizou que “isto vén a conto porque hai unhas críticas sobre un dos concelleiros que está traballando moi duro, como se está traballando noutras áreas, pero neste caso é en Cultura, Educación e Sanidade, o noso concelleiro José Díaz. E non se pode admitir unha crítica dando a entender que non está aquí o tempo suficiente e que non vén ás xuntas de goberno local. É certo que faltou a algunha derivado da súa actividade profesional, porque José Díaz está cobrando a metade dunha dedicación ao Concello e por tanto ten que traballar na súa profesión para poder chegar a final de mes, como todo o mundo. Polo tanto nalgún momento xustificadamente non veu á reunión da xunta de goberno local, pero iso non xerou para nada ningún problema nin houbo que aprazar ningunha xunta de goberno por algunha ausencia. Normalmente vimos todos porque é a nosa obrigación, pero tamén hai que ter en conta que poden suceder cousas na vida que impiden vir ao Concello nos horarios previstos”.
O alcalde subliñou: “pero que non quede ningunha dúbida de que se está cumprindo á perfección, tanto por parte de José Díaz como do resto dos concelleiros, que procuramos facer unha boa labor, sempre pensando no mellor para os nosos veciños. Por tanto non se pode admitir ningunha dúbida sobre esta persoa porque está traballando moito en horario que non lle corresponde durante moitísimo tempo. E xa se ve a labor clara, contundente, de rigor e de calidade que está facendo no noso concello porque hoxe mesmo somos o referente claro da cultura en toda a comarca da Mariña e en Asturias e na provincia da Coruña; e quero que o saiba todo o mundo”.
Alfredo Llano engadiu que “foise Patricia Otero e veu outro concelleiro, Manuel José, e había unha media dedicación, que tiña Patricia Otero, e agora queda para gastos xerais do Concello, dado que asumimos as responsabilidades do que facía Patricia os outros concelleiros e o alcalde. Por tanto eliminamos esa media dedicación co fin de reducir gastos ao Concello, e tamén quero que se saiba, porque non estamos aquí para aproveitarnos. Estamos facendo as cousas da mellor forma posible e por tanto creo que é unha inxustiza absoluta e unha maldade que se fagan esas manifestacións sobre José Díaz”.

Website Pin Facebook Twitter Myspace Friendfeed Technorati del.icio.us Digg Google StumbleUpon Premium Responsive