26 de Marzo de 2019

Correo | Favoritos  | Imprimir   

O PP pide que se aclaren as contas da pista de xeo de Ribadeo

10-01-19

Ribadeo, 10 de xaneiro de 2019. O candidato do Partido Popular á Alcaldía ribadense, Daniel Vega, pide que se aclaren as contas da pista de xeo de Ribadeo.
“Despois de ler no xornal o déficit que deixou a pista de xeo, preguntámonos: Cal foi o prego de condicións desta licitación? Os veciños esperan respostas e explicacións, resumindo: Canto custou a pista? Canto ingresou o concello por esta actividade? Gustaríanos que nos aclarasen as contas porque se sumamos os 40000 euros de gastos totais e o déficit de 27000 euros, a pista sae en 67000 euros, a frioleira de máis de 11 millóns das antigas pesetas. Da frío pensalo!”, manifesta Daniel Vega.
O candidato do PP a Alcaldía de Ribadeo engade: “Onde está a experiencia positiva da que fala o alcalde? Tres anos dando déficit. Cremos que hai que buscar unha mellor xestión para unha actividade que nos parece axeitado ofrecer”.

Website Pin Facebook Twitter Myspace Friendfeed Technorati del.icio.us Digg Google StumbleUpon Premium Responsive