RIBADEO .- Os participantes habituais nesta tempada nos faladoiros da emisora de radio Onda Cero A Mariña (102.3 FM) reuníronse nunha cea, que se desenvolveu no restaurante Mariñeiro, de Ribadeo. No encontro, que é a primeira vez que se celebra, participaron a maior parte dos tertulianos (unha vintena), pero outros non puideron asistir por diferentes motivos persoais. Os faladoiros de Onda Cero A Mariña, nas que se analizan asuntos de actualidade local e comarcal, celébranse os luns e xoves á unha e media da tarde dentro do programa “A Mariña na Onda”, que dirixe e presenta Beni Mántaras.
