Entorno a 100 persoas, na súa maioría gandeiros de Xove, acudiron a este acto, no cal se expuxo a posibilidade de crear unha ADSG no Concello de Xove, idea que espertou moito interese nos gandeiros/as que participaron na charla, quen ademais puideron expresar as súas dúbidas sobre do tema.
Os encargados de explicar como se organizan e funcionan estas agrupacións foron D. Hilario Moliner, encargado comarcal da organización sindical Unións Agrarias, e o veterinario D. José Luis Ramirez, que indicaron como as ADSG inciden no control das enfermidades para aumentar a produción das explotacións e así evitar posibles perdas para os gandeiros.