Nota de Prensa
Mulleres en igualdade, a antiga Federación Nacional de Mulleres para a Democracia, é unha organización non gobernamental, sen ánimo de lucro, de ámbito nacional, declarada de Utilidade Pública, membro integrante de Nacións Unidas e do Observatorio Estatal contra a Violencia de Xénero.
Mulleres en igualdade é unha asociación afín ao Partido Popular a cuxo proxecto contribúe ofrecendo unha perspectiva de igualdade de xénero.
Os obxectivos fundacionais de Mulleres en Igualdade son o fomento da participación da muller en todos os sectores da vida pública, a defensa dos seus dereitos e intereses, a súa información e formación, e o desenvolvemento de programas de apoio ás mulleres en risco de exclusión social.