que se ven afectados por inundacións producidas polas mareas vivas.
Debido ao aumento de cota que se proxecta ao longo de 198 metros de peirao, será necesaria a substitución dos actuais amarres por outros novos, así como a renovación das actuais defensas por outras verticais colocadas no paramento do peirao e en toda a súa lonxitude.
Nota de Prensa
Portos de Galicia licita as obras para protexer o peirao comercial de Ribadeo das mareas vivas
Os traballos acadan un investimento de preto dun millón de euros
Santiago, 24 febreiro de 2009.- O ente público Portos de Galicia, dependente da Consellería de Política Territorial, Obras Públicas e Transportes, ven de sacar a concurso as obras para protexer o peirao comercial de Ribadeo da acción das mareas vivas. Segundo publica hoxe o Diario Oficial de Galicia, o orzamento de licitación destes traballos ascende a 940.618,10 euros e o prazo de execución será nove meses.
Os traballos que agora se licitan consisten no recrecido dos muros e explanadas colindantes do peirao comercial que se ven afectados por inundacións producidas polas mareas vivas. Precisamente para atallar esta situación e garantir que en todo momento estean dispoñibles todos os espazos portuarios en condicións axeitadas, aumentarase a cota do tramo norte do peirao comercial ata os 5,10 metros de altura, polo que quedará igualado ao resto do peirao.
Ademais, debido ao aumento de cota que se proxecta ao longo de 198 metros de peirao, será necesaria a substitución dos actuais amarres por outros novos, así como a renovación das actuais defensas por outras verticais colocadas no paramento do peirao e en toda a súa lonxitude.
Do resultado do aumento de cota dos muros, será preciso elevar a actual baliza da punta do peirao comercial, así como a súa caseta e os elementos afectados do subministro de combustible que se ubican en dito peirao.