Durante os catro últimos anos, día si e día tamén José Manuel Balseiro, o máximo representante do partido gañador das eleccións en Galicia, saía na prensa pedindo cousas para a bisbarra, asegurando que si gobernaban eles xa estarían feitas, chamando a atención das situacións que se daban en pesca, sanidade,estradas, traídas de auga, servizos socias, atención aos mais vellos, infancia, educación , medio ambiente …..
Pois ben eu estou moi ledo, “Moi ben, moi ben, como diría Farruco, efectivamente «chegou ou momento», como cre o PP e creo eu;
José Manuel Balseiro que acostuma a repetir aquello de que os que aquí vivimos «non se lles pode enganar» O próximo Goberno popular galego resolverá moitas das grandes cousas e cousiñas pendentes de A Mariña en diferentes eidos. Polo menos ese é o compromiso explícito ou implícito de Balseiro, antes e durante a campaña electoral.
En saúde a cousa xa está encamiñada por Balseiro, coa «medida para corrixir o progresivo deterioro do sistema público de saúde» que inclúe un «plan específico para atallar ás listas a desenvolver nos próximos catro anos». Balseiro prestara especial atención ao Hospital da Costa, xa que “Estes caralláns do bipartito” non dotaron ao centro de Burela dunha resonancia magnética estable, así como por a «carencia de moitos recursos e dotacións», reclamou mais persoal , mais aparcadoiro e denunciou un montón de veces a «manipulación» das listas de espera que agora, cando se nomee a un dos seus director da cousa quedara solucionado de vez.
Por outra banda Foz é a plataforma pola saúde pode estar contenta, o que non logrou Rivera xa está no bote, xa que Balseiro, cansouse de explicar no Parlamento de Santiago mocións para dotar a Foz dun punto de atención continuada, pero ningunha prosperou polo PSOE e o BNG. Agora coa maioría conservadora xa está todo a punto de solucionarse. Ao igual que nas localidades costeiras onde un médico se viu obrigado a atender dúas consultas, ou o que provoca longas esperas e unha atención deficiente e tamén solucionara Balseiro o problema das chamadas aos centros e a falta de liñas de atención aos sufridos pacientes.
