RIBADEO(FNC) .- A Casa da Xuventude de Ribadeo será escenario mañá 31 de marzo de 19:00 a 21:00 horas dun obradoiro denominado Quérome.
O obradoiro está destinado ás mulleres de Ribadeo maiores de 18 anos e será impartido por Lucía Carballeira, traballadora social e antropóloga do centro Quérote de Burela.
O curso ten coma obxectivos “crear un espazo de conversa e reflexión sobre a sexualidade e a erótica feminina, reflexionar sobre os modelos de educación afectivo sexual e as súas incidencias na sexualidade feminina e impulsar a creatividade e a imaxinación coma elementos potenciadores do pracer, entre outros”, segundo explicou hai uns días, Luisa González, responsable do CIM de Ribadeo.