15 equipos participaron nas actividades da OMIX e da concellaría de Educación de Ribadeo

RIBADEO (FNC) .- Ducias de nenos se deron cita de luns a mércores pola mañá e pola tarde no Cantón de Ribadeo para participar nas actividades deportivas organizadas pola Oficina Municipal de Información Xuvenil e pola Concellaría de Educación. Foron un total de 15 os equipos que se fixeron para disputar os partidos de fútbol 3 x 3 que se xogaron estes días nas categorías de prebenxamíns, infantil, benxamíns e alevíns.
Debido ao mal tempo o resto das actividades destinadas para nenos e maiores (patinaxe e xogos tradicionais) quedaron pospostos para o sábado 18 de abril.