Na xornada da mañá, os participantes nesta actividade visitarán o castelo da casa de Tovar, na parroquia de Santo Tomé de Lourenzá, que mantén o carácter de fortaleza, perfectamente harmonizada coas demais dependencias anexas da casa-pazo. Os actuais propietarios teñen moito interese na conservación deste edificio e Mariñapatrimonio quer dar a coñecer este patrimonio moi pouco coñecido na comarca.
Outra das actividades da mañá será a visita ao Museo de Arte sacro de Vilanova de Lourenzá.
Xa, pola tarde, ás 18:30 horas, desenvolverase no Museo do Mar de San Cibrao o relatorio sobre A Idade Media que estará a cargo do doutor en Historia Anselmo López Carreira.*
Mariñapatrimonio convida a asistir a estes actos a todas as persoas que teñan interese xa que non é necesario inscrición previa.
*Anselmo López Carreira ( Vigo, 1951 ), Doutor en Historia pola Universidade de Santiago de Compostela. A Baixa Idade Media galega foi o campo predilecto da súa atención investigadora. Publicou entre outros:A Revolución Irmandiña, A cidade medieval galega, O Reino de Galiza…Participou asimesmo non manuais Historia de Galicia e Historia Xeral de Galicia.