Entrega de diplomas dos cursos de informática en Xove

XOVE .- Hoxe, na Sala de Ordenadores da OMIX, fíxoselle entrega dos Diplomas aos participantes nos Cursos Multimedia e Excel Avanzado, os cales estaban destinados a adultos e maiores de 13 anos. O acto foi presidido polo Alcalde Demetrio Salgueiro, acompañado pola Concelleira de Servizos Sociais Ana Abad.
O Curso Multimedia, que tivo o seu inicio o 20 de abril, durando un mes, contou con 12 alumnos/as, que participaron no mesmo 3 días á semana. Os temas tratados no Curso foron: edición de vídeos, albums de fotos e vídeos fotográficos, traballando con programas como Movie Maker, Photostory 3 e Hoffman.
En canto ao Curso Excel Avanzado, comezou o 25 de maio e contou con 11 alumnos/as que traballaron durante un mes tres días á semana. Neste caso as materias impartidas foron: elaboración de follas de cálculo complexas, formatos, funcións, gráficos, etc.
Este Cursos foron totalmente gratuítos.