NOTA DE PRENSA
A sesión extraordinaria do Pleno da Corporación Municipal celebrada na tarde de hoxe deu o visto e prace, cos votos do Equipo de Goberno, ás contas municipais para o presente exercicio autorizando un gasto próximo aos seis millóns de euros
O PLENO DO CONCELLO APROBOU OS ORZAMENTOS MUNICIPAIS PARA 2009
• Os presupostos inspírase nos principios de rigor, austeridade e optimización dos recursos propios, priman o gasto social e en programas educativos, seguridade, cultura e limpeza
• O Alcalde subliñou que a débeda viva do Concello redúcese considerablemente, respecto á rexistrada fai nove anos, situándose por debaixo do límite de endebedamento autorizado pola Lei para as administracións locais.
• A Corporación Municipal autoriza a subscrición dun programa de préstamos a baixo interese por valor de 800.000 euros cos que axilizar o pago aos provedores e asumir novos investimentos en obras e servizos públicos.
Cervo, 17 de xullo de 2009.- Na sesión extraordinaria do Pleno municipal celebrada na tarde de hoxe foi aprobado inicialmente o Orzamento Xeral do Concello de Cervo para o presente exercicio 2009. Os votos a favor do Equipo de Goberno, do Partido Popular, foron suficientes para autorizar un Estado de Gastos próximo aos seis millóns de euros (5.924.864,61 euros) e unha previsión de ingresos que ascende a 7.602.479,51 euros.
O Alcalde de Cervo, Alfonso Villares explicou que os presupostos inspírase nos principios de rigor, austeridade e optimización dos recursos propios, priman o gasto social e o investimento en programas educativos, seguridade, cultura e limpeza.
AUSTERIDADE, REALISMO, CREDIBILIDADE
O Equipo de Goberno pretende dar, a través destas contas unha mellor resposta á difícil situación económica do país, contribuíndo á súa superación a través da posta en marcha dun plan de austeridade e control dos gastos correntes. De feito, desde o Concello quíxose lanzar unha mensaxe de confianza e credibilidade na institución municipal, en contraste coa desconfianza que xera o Goberno Central do PSOE en materia económica.
Villares explicou que para o ano 2009 increméntase o orzamento de Gastos de Investimento, entre outro para acometer as seguintes actuacións:
21.288,32 euros para o proxecto de mellora informática e administrativa do Concello, que suporá o achegamento das vantaxes que ofrece as novas tecnoloxías da comunicación e información, racionalización dos procesos administrativos e mellor do sistema de recadación.
27.6000 euros para as obras do POS a través das que se executa o saneamento de O Castro-Castelo e Madeiro.
34.000 euros para a reparación dos reemisores e compra dos novos equipos nas antenas de televisión de San Roman, Cuiña e Espiñeirido afectadas polo temporal Klaus. Aproveitouse para a modernización dos equipos conforme á nova tecnoloxía analóxica.
50.000 euros para a rede de alumeado público, mantemento e modernización da súa infraestrutura.
Por clasificación funcional as contas municipais establecen a seguinte previsión de gastos:
• Seguridade: 118.361,94 €
• Protección Civil: 163.305,06 €
• Acción Social: 748.686,06 €
• Promoción do Emprego: 24.000,00 €
• Ensino: 266.115,25 €
• Brigada de obras, urbanismo e arquitectura: 2.389.381,66 €
• Saneamento, abastecemento e distribución de auga: 222.681,82 €
• Xestión de residuos urbanos (lixo): 230.000 €
• Promoción e Difusión da Cultura: 163.727,54 € (inclúe 55.000 euros en subvencións ás comisións de festas, colectivos cívicos e asociacións)
• Educación Física, Deporte: 238.774,68 €
• Arqueoloxía, protección do patrimonio artístico: 10.000,00 €
• Estradas veciñais e vías públicas: 35.536 €
• Turismo: 14.000 €
• Mellora do Medio Natural: 3.000 €
En materia de ingresos
| Orzamento de Ingresos. |
|
|
|
|
| 2.008 | 2009 | VARIACION | % | |
| A) OPERACIÓNS CORRENTES. | 5.257.926,75 € | 5.401.756,11 € | 143.829,36 € | 2,735% |
| 1. IMPOSTOS DIRECTOS. | 1.649.327,00 € | 1.890.969,82 € | 241.642,82 € | 14,651% |
| 2. IMPOSTOS INDIRECTOS. | 700.000,00 € | 218.872,76 € | -481.127,24 € | -68,732% |
| 3. TAXAS E OUTROS INGRESOS | 1.851.720,74 € | 1.809.710,72 € | -42.010,02 € | -2,269% |
| 4. TRANSFERENCIAS CORRIENTES | 1.046.379,01 € | 1.445.975,20 € | 399.596,19 € | 38,188% |
| 5. INGRESOS PATRIMONIAIS | 10.500,00 € | 36.227,61 € | 25.727,61 € | 245,025% |
| B) OPERACIÓNS DE CAPITAL | 2.490.319,49 € | 2.200.723,40 € | -289.596,09 € | -11,629% |
| 6. ENAXENACIÓN INVERSIONS REAIS | 1.578,75 € | 1.578,75 € | 0,00 € | 0,000% |
| 7. TRANSFERENCIAS DE CAPITAL | 1.013.574,12 € | 1.392.585,23 € | 379.011,11 € | 37,394% |
| 9. PASIVOS FINANCIEROS | 1.475.166,62 € | 806.559,42 € | -668.607,20 € | -45,324% |
| TOTAL | 7.748.246,24 € | 7.602.479,51 € | -145.766,73 € | -1,881% |
No capítulo de gastos as contas municipais reflicten a revisión que o Goberno central efectuou na tributación dos Bens Inmobles de Características Especiais (IBICES) como son o porto comercial de Alcoa ou o encoro de Río Cobo, sumado á perda de ingresos derivados da paralización da expansión urbanística. Ao mesmo tempo tamén incorporan o aforro millonario que supuxeron o pronunciamento favorable da Xustiza, en ámbitos como os procesos seguidos contra a construtora Coto ou polo plan Placer. O Goberno municipal sempre defendeu que non tería que abonarse as cantidades pendentes por estos conceptos dada a irregularidade das obras e servizos vinculadas a estes proxectos que no seu día puxo en marcha o Goberno do PSOE.
POR DEBAIXO DO LÍMITE DE ENDEBEDAMENTO QUE PERMITE A LEI
As cifras avalan o proceso de saneamento iniciado fai dez anos tras o acceso do Partido Popular á responsabilidade do Goberno municipal. Mentres que en 1999 esta índice de endebedamento bancario en relación cos ingresos correntes era dun 160,32% a finais deste ano pasará a ser do 107%, isto é, unha cifra inferior á máxima legalmente prevista, que é do 110%. No último decenio o endebedamento bancario do Concello de Cervo baixou en máis de 53 puntos porcentuais.
A evolución positiva do endebedamento bancario xa inclúe a operación de préstamo que por valor de 800.000 euros o Pleno da Corporación autorizou subscribir ao Goberno municipal tamén na sesión de hoxe. Deste xeito o Concello de Cervo poderá axilizar o pago aos provedores e autónomos e facelo ademais contando con novos recursos a un tipo de interese baixo e co aval da administración central. Esta operación de crédito desenvólvese ao abeiro do Real Decreto Lei 5/2009 que contempla medidas extraordinarias de apoio aos concellos.
O Alcalde de Cervo, Alfonso Villares, explicou que o Goberno Municipal elaborou un orzamento para o exercicio 2009 que prevé un investimento en gastos por valor de euros e uns ingresos de euros. Deste xeito as contas municipais rexistrarán no presente ano un superávit próximo aos 1,6 millóns de euros o que implica unha aposta decidida polo saneamento da Facenda municipal xa que o desequilibrio a favor dos ingresos ten por obxecto compensar os remanentes de tesourería negativos cos que pechou o exercicio 2008.
CONXELACIÓN DOS GASTOS DOS ÓRGANOS DE GOBERNO
En contraste con esta situación no 2009 conxelaranse as retribucións que obteñen os órganos de Goberno. Non se procede á actualización desta partida, polo que as retribucións dos concelleiros, asistencias a plenos, etc… quedan igual que no ano 2008. A maiores hai que engadir a supresión dunha dedicación exclusiva, co conseguinte aforro, para as arcas municipais.