CERVO .- A comisión organizadora de EXPRESS-arte xa tomou a decisión de cales van a ser os participantes nesta segunda edición. Para a difícil selección tivéronse en conta , en primeiro lugar a calidade e en segundo lugar poder ofrecer a maior variedade posible ó público que asista as IX Veladas de Teatro no Souto de Cervo, ás nove e media da noite os días:
O xoves, 30 de Xullo, o dúo Adeli e Suso sorprenderán a todos co espectáculo literario-musical que leva por título “Amor conxelado”.
O Venres , día 31 de xullo, a impoñente voz de Luis Rodríguez, “O Rosino” interpretará “Cancións de Sempre” ,na compaña de grandes músicos das orquestras viveirenses e actualmente compañeiros de “Escolma de meus”, reunidos especialmente para esta ocasión .
O Sábado, día 1 de agosto haberá “Espectáculo de maxia” en tódalas súas dimensións a cargo do mago Joge, apadriñado recentemente polo mago Rafa e considerado como único na Mariña.
O domingo, día 2 de Agosto , rematará EXPRESS-arte con “Música instrumental” a cargo do virtuoso do violín Xabier Mazaira que cos seus once anos mostrará un repertorio do máis diverso.
A comisión avaliadora ,convencida de que todos eran merecentes de ser seleccionados , agradece o aumento de participantes, símbolo de que a creatividade está espertando