Grazas á colaboración da Área de Cultura da Deputación, esta asociación está a levar a cabo na actualidade o curso que hoxe visitou o delegado, Antonio Veiga, que consiste na adquisición de técnicas de decoración de vidro no cal participan un total de 30 mulleres durante 7 meses. As técnicas empregadas son diversas e son moitos os materiais que empregan, sendo principalmente o vidro pero tamén a madeira, cerámica, barro, metacrilato ou espello. Logo do proceso de aprendizaxe realizan pezas como lámpadas, botellas, cadros, xarróns, paragüeiros, reloxos de parede, fontes e un longo etcétera.
A asociación Alborada vén facendo este tipo de cursos desde hai dous anos e calculan que polas mans das mulleres participantes chegaron a facerse aproximadamente 300 pezas.
Antonio Veiga destacou a alta demanda e aproveitamento deste tipo de actividades que desenvolve a asociación Alborada e afirmou que desde a Área de Cultura e Deportes da Deputación seguirase traballando firmemente a prol de dinamizar e apoiar o tecido asociativo lucense, auténtico axente dinamizador e avivador cultural e socioeconómico dun país.