O BNG pregunta a Fomento si vai atender as alegación ao trazado da autovía San Cibrao-Barreiros
Veciños e colectivos presentaron mais de 40 alegacións que foron apoiadas polo pleno da corporación
O BNG instou ao ministerio a abrir unha mesa de diálogo para consensuar un trazado que atenda as demandas veciñais
Francisco Jorquera, portavoz do BNG no Congreso dos deputados rexistrou unha batería de preguntas dirixidas ao Ministerio de Fomento nas que solicita información referida ás alegacións presentadas por veciños e colectivos cervenses en relación ao trazado da autovía de conexión San Cibrao-Barreiros ao seu paso polo concello de Cervo. O concelleiro e portavoz municipal, Xoán Antón Estúa lembrou que “en Cervo presentáronse mais de 40 alegacións asinadas por particulares e colectivos que foron apoiadas polo pleno da corporación nunha sesión celebrada en agosto”. Estúa aproveitou para criticar a ausencia de compromiso do alcalde cos veciños, lembrando que “nese pleno o alcalde fusilou unha iniciativa nacionalista para presentala como propia e agora ten que ser unha vez mais o BNG quen se preocupe por estas alegacións”
A maioría das alegacións presentadas refírense á protección de acuíferos dos se abastecen numerosos veciños da Senra, Gondrás e San Román de Vilaestrofe, mais tamén hai outras que se refiren a modificacións puntuais do trazado e outra de mais calado que pide cambios de maior calado ao paso polos núcleos da Senra e Vilaestrofe para evitar a afectación de vivendas e zonas de cultivo, propoñendo a conexión co inicio do tunel de Vilasindre da alternativa IA6.
Xa foi presentada unha Proposición non de Lei instando ao ministerio a dialogar para chegar a acordos cos concellos afectados
O BNG no Congreso dos Deputados xa presentou esta semana outra iniciativa instando ao Ministerio a consignar no exercizo orzamentario 2010 as partidas suficientes axilizar a execución das obras e aprobar un cronograma de actuacións que evite prexuizos aos concellos, todos eles pendentes do seu trazado para a elaboración dos respectivos planeamentos urbanísticos. Ademais con esta PNL, o portavoz nacionalista no congreso insta a Fomento a abrir unha mesa de diálogo cos concellos e veciños para consensuar unha alternativa de trazado que teña en conta as demandas veciñais.