Di o PP de Burela que pedirá “unha reestructuración” en aparcamentos de Os Castros e a “retirada” dunha pequena rotonda

Nota de Prensa

Os populares pedirán unha reestructuración dos aparcamentos nos Castros.

Consideran que a minirotonda podería ser retirada.

Os populares trasladarán estas peticións ó bigoberno burelés.

O GMPP solicitaralle ó bigoberno burelés que proceda a unha reestructuración dos aparcamentos na zona de Os Castros próxima ó CEIP “Virxe do Carme” e que sopese a retirada da minirotonda alí existente.

Os populares bureleses puxeron de manifesto estes defectos no transcurso dunha rolda de prensa celebrada hoxe, xoves, precisamente no entorno do indicado centro de ensino, a raíz de peticións feitas por veciños da zona, asistentes á reunión que o PP mantivo con eles a semana pasada.

Segundo os membros do GMPP, o sentido do tráfico foi modificado no seu día a base de buscar moito consenso. Agora, os aparcamentos existentes non convencen a ninguén, a minirotonda provoca problemas de tráfico para camionetas de reparto, e por riba non está debidamente sinalizada. Polo tanto, é urxente que se tormen cartas no asunto con urxencia, porque estamos nunha zona de grande confluencia de persoas á entrada e salida do colexio, e pode haber en calquera momento un incidente.

E ainda que é evidente que debe primar a seguridade en todo momento, cuestión que o PP apoia, e que foi orixe do cambio de tráfico no seu día, e máis nesta zona pola súa problemática específica, cremos que se están dando as circunstancias que conducen ó contrario, que se están  a crear problemas serios de tráfico.

O GMPP trasladará estas demandas veciñais ó bipartito burelés, porque o alcalde é o responsable do tráfico municipal, e semella estar mal asesorado. Desde o PP entenden que esta problemática pode ser resolta con celeridade, e así debe ser, dada a cantidade de problemas que se están manifestando na zona.