A choiva dos últimos días deixou inundacións, ríos desbordados e desprendementos de terra

A MARIÑA .- A insistente choiva caida durante o venres e todo o sábado causou varios incidentes en distintos puntos de A Mariña na tarde e noite do sábado, día 23; así, a travesía de Cantarrana, en Covas, inundada en parte, ao desbordarse un regato que pasa pola parte posterior esquerda das edificacións, dirección O Vicedo.
Pasadas as dez e media da noite a travesía estaba aberta so en dirección Viveiro e o transito en dirección contraria desviábase para o paseo marítimo a altura do campo de fútbol. A parte dos asolagamentos, de estradas, rúas, edificacións e desprendementos de terra en estradas, houbo subidas importantes nos nivies de regachos e ríos, e en algúns casos a coincidencia coa suba da marea gravou a situación.