Encontro do Celtas celebrado a fin de semana (foto: Miguel Fraga)
FOZ / XOVE (M.F.O.) .- O Celtas rozou a sorpresa ante Peleteiro, segundo clasificado, ao perder en Foz nos últimos minutos por 83 puntos a 91. Pola súa parte o Xove perdeu un boa oportunidade de saír dos últimos postos ao caer en Santiago ante o Rosalía por 67 a 60.
O Celtas-Primera Calidad encaraba o partido tras a dura derrota en Xove, pero os xogadores de Marco Justo souberon sobrepoñerse e plantarlle cara a un dos mellores equipos da competición. Os focenses lideraron o marcador durante toda a primeira metade do encontro e fóronse ao descanso sete puntos arriba. Na reanudación o Peleteiro liderado por Koke Rama deu caza aos locais e chegando aos minutos finais co marcador moi apertado. A veteranía dos de Santiago foi crucial nestes intres e o Celtas non puido culminar o excelente partido realizado.
Polo Celtas-Primera Calidad xogaron: Lucas(4), Miguel(7), Manuel, Sama(37), Diego(4) – Ramón(1), Aaron(20), Manolo(4), Brais(6) e Adrián.
O C. B. Xove viaxou a Santiago tras conseguir dúas vitorias consecutivas para enfrontarse a un rival directo pola permanencia. Os xovenses que foron gañando durante trinta minutos non souberon rematar o partido para perder finalmente por sete puntos de vantaxe.