Un can de raza pastor alemán realizou hoxe unha parte do Camiño Norte a Santiago na compaña de dúas peregrinas, unha inglesa e unha alemana. O can marchou con elas desde algún punto do municipio de Ribadeo e en Vilamartín os servizos de Protección Civil do Concello de Barreiros fixéronse cargo do animal que “tiña un tanto atemorizadas ás rapazas”, segundo explica Javier Díaz. “O propietario pode poñerse en contacto con nós para pasar a recollelo”.