O edil de Medio Ambiente en Barreiros, José Manuel Gómez Puente, asegura que “a cada Concello nos corresponden 50 composteiros. No noso caso imos repartilos entre os veciños participantes a vindeira semana”. Mañá venres 7 de maio haberá unha charla informativa sobre a compostaxe doméstica a partires das 20 horas no centro sociocultural Manuel Díaz Sampedro.
Cada composteiro terá 400 litros de capacidade para transformar en compost a materia orgánica xerada nos fogares, un abono natural con excelentes propiedades para o solo que pode ser empregado nos propios hortos e xardíns das familias participantes. Este programa piloto conta cun investimento aproximado duns 60.000 euros, dos que Sogama costea o 50% e o resto correspóndelle aos Concellos.