NOTA DE PRENSA.
“Elas Ensinan”
Esta mostra, organizada pola Secretaría Xeral de Igualdade da Xunta de Galicia, coa colaboración do Centro de Información á Muller do Concello de Mondoñedo recolle as historias de vida de dezaoito mestras galegas que compartiron o interese pola educación das xeracións máis novas, ás que serviron de modelo profesional e vital.
Pero a mostra tamén apela ás lembranzas, aos sentimentos desa etapa na que se forxa a personalidade, na que se aprende todo o que as mestras transmiten, ciencias, letras, música, arte… na procura dunha formación humanista e integral.
Unha homenaxe ás educadoras e pedagogas que non se botaron atrás fronte as dificultades que lle impuxeron as condicións sociais, económicas, xeográficas e históricas de Galicia entre finais do século XIX e o XX. Unha etapa que reflicte a longa dedicación histórica das mulleres ao campo do ensino, especialmente no eido das primeiras letras, o ensino infantil e o primario, para paulatinamente irse achegando aos demais niveis educativos ata acadar a situación de feminización docente que se está a vivir na actualidade.
Mulleres innovadoras e decididas, sempre na procura de novos métodos pedagógicos para mellorar a educación do seu alumnado por difícil que fose a situación.
Un papel transformador da sociedade, a través da transmisión do coñecemento e da profunda pegada do seu traballo en todos e todas nos.
O Centro Comarcal A Mariña Central, en Mondoñedo, acolle esta mostra do 2 ata o 14 de maio, e se poderá visitar en horarios de 10:00 a 14:30 e de 15:00 a 18:00 de luns a venres e os sábados de 10:00 a 14:00.
Para acadar máis información sobre ela poden poñerse en contacto nos teléfonos 982 889 306 e 982 889 301, ou a través do enderezo de correo electrónico: ccmarinacentral@comarcasdegalicia.com