NOTA DE PERNSA:
Hoxe tivo lugar a presentación da XII+II Festa da Marosa na Casa do Concello coa presencia da Teniente Alcalde do Concello de Burela Dª. Neves Cando e D. Antonio Veiga como responsable da Area de cultura da Diputacion de Lugo.
Adxuntamos información e agradecemos a máxima difusión posible.
Recordar que a venda de tickets para o Cocido estan a venta na Parrillada de Jandro ou no teléfono 699 954 208 (Chema) o prezo de 10 €. O mismo día da Festa teran un prezo de 15 €.
A ‘XII+II FESTA DA MAROSA. GOZA CO SABER DO POVO’ ENCHERÁ BURELA DE MÚSICA, TEATRO, DANZA, GASTRONOMÍA E ROTEIROS CULTURAIS PARA TODA A FAMILIA, O VINDEIRO 15 DE MAIO 2010
Un ano máis, contra vento e marea, chega a festa da Marosa cargada de
salitre vital para salferir as nosas almas desexosas de festa!!!
O vindeiro 15 de maio, o porto de Burela acollerá a 12+2 edición de “Goza co
saber do povo”. Este ano, a explanada do porto é a escollida pola organización
para realizar o festival, posto que consideran que é o lugar máis achegado á
praia. É o segundo ano que se realiza fóra do espazo natural da praia da
Marosa, de aí o de sumar dous á ducia de edicións anteriores, pero estamos
seguros que no futuro a festa poderá retornar ao seu emprazamento orixinal.
Como vén sendo habitual ao longo destes catorce anos de historia da Festa da
Marosa, a música será o fío condutor que nos permita coñecer xente de todos
os lugares do país. E como tamén vén sendo habitual, os obxectivos deste
encontro pasan por dinamizar a vida cultural do pobo, achegando este tipo de
eventos á comarca da Mariña para unificar xeracións mediante o encanto da
nosa Cultura.
As actividades comezan cunha ruta (a pé ou en bici) para toda a familia o
propio día 15 ás 11:00h da mañán, posto que por primeira vez faremos un
percorrido dende o porto ate a praia cun vello lobo de mar, Balbino Trelles,
que nos contará as súas engaiolantes historias sobre as Penas de Burela. A
“Ruta do Quitapenas” rematará na praia da Marosa ás 13:00h para escoitar a
Banda de Música de Burela e a todos os artistas que se queiran sumar a
interpretar na area norteña a “Marcha da Marosa” composta por Edelmiro
Fernández.
Ás 14:00h comezará a sesión vermú na carpa do porto, a cargo da Banda
Tudutene e a Banda de Música de Burela. Festa garantida para queimar
graxas danzando antes de comer o “cocido de cuadrillas” ás 15:00h.
Catrocentas xenerosas racións para xantar entre amigos escoitando boa
música na lonxa das redes.
Á tardiña tócalle a quenda aos máis pícaros, e non tanto, coa obra de teatro-
musical Bicharada de Berrobambán, que terá lugar na casa de Cultura ás
18:00h.
A partir das 22:00h dará comezo o festival cos grupos Pès de Lán, Linho do
Cuco e Lamatumbá. E como todos os anos, por tradición, regaremos as nosas
gorxas coa queimada elaborada por Mon, para purificarnos para todos os
festivais do verán que están por vir. Lume!!!