Ao acto de izado da bandeira azul do barco museo Reina del Carmen de Burela asistiron a práctica totalidade dos membros da corporación municipal encabezados polo alcalde, Alfredo Llano, ademais de representantes de Absa, da cofraría de pescadoras, da Moncloa e de varias asociacións da vila. Llano subliñou que “se trata dun galardón que recoñece o traballo de divulgación que se realiza desde este barco das artes de pesca tradicional empregadas para a captura do bonito”. O rexedor engadiu que “ano tras ano este barco é visitado por centos de persoas, o cal nos anima a seguir traballando na súa promoción”.
