GALICIA .- O ente público Portos de Galicia, cumprindo a nova normativa en materia de subministración eléctrica aos portos e dependencias do ente público contratará o subministro de enerxía eléctrica no mercado libre.O organismo portuario é o titular dun considerable número de contratos de subministro eléctrico necesarios para a operatividade das súas dependencias e portos
Nota de Prensa
O organismo portuario é o titular dun considerable número de contratos de subministro eléctrico necesarios para a operatividade das súas dependencias e portos
PORTOS DE GALICIA LICITA A CONTRATACION DO SUBMINISTRO DE ENERXIA ELÉCTRICA NO MERCADO LIBRE CUMPRINDO A NOVA NORMATIVA DO SECTOR ELÉCTRICO
* O obxectivo é o do cumprimento da normativa e, ademais, conseguir un aforro no subministro de enerxía en todos os portos e das súas dependencias con respecto ao actual
* O organismo portuario é o titular dun considerable número de contratos de subministro eléctrico necesario para proporcionar nos portos da súa competencia os servizos portuarios xerais, alumeado público, balizamento, e subministro de enerxía eléctrica
Santiago, 5 de xullo de 2010.- O ente público Portos de Galicia, cumprindo a nova normativa en materia de subministración eléctrica aos portos e dependencias do ente público contratará o subministro de enerxía eléctrica no mercado libre. O obxectivo é o do cumprimento desta nova normativa e, ademais, conseguir un aforro no subministro de enerxía en todos e cada un dos 122 portos do ente público e das súas dependencias con respecto ao actual, deste xeito ademais, será un único comercializador o do subministro eléctrico.
Para levar a cabo esta directiva, o ente público Portos de Galicia, anunciou no Diario oficial de Galicia a licitación, mediante procedemento aberto e sistema multicriterio, tramitación ordinaria, do contrato suxeito a regulación harmonizada da subministración de enerxía eléctrica aos portos e dependencias do ente público Portos de Galicia.
Como é sabido o organismo portuario é o titular dun considerable número de contratos de subministro eléctrico necesario, tanto para a operatividade das súas oficinas e demais dependencias, como para proporcionar nos portos da súa competencia os servizos portuarios xerais, como son o alumeado público, balizamento, e o servizo específico de subministro de enerxía eléctrica aos usuarios dos portos, imprescindible para o desenvolvemento das diversas actividades e operacións portuarias.