A xornada dará comezo pola mañá, de 10 a 14 horas, coa celebración da V Feira Artesanal na praza do Souto. E xa ás 22 horas no campo de fútbol de As Valgas dará comezo o Festival Folclórico Internacional no que participarán este ano catro agrupacións: Lezginka, da República de Dagestan; Amazonía, de Brasil; El Celemín, de Murcia, e O Arco da Vella, de San Miguel de Reinante. A cita rematará con verbena despois do festival amenizada polo grupo musical Lecer.
O Festival Folclórico Internacional do Emigrante, que foi presentado esta mañá no salón de plenos do Concello de Barreiros, foi declarado hai anos festa de interese turístico en Galicia.