Nota de prensa:
Tan só un 3,99% dos traballadores da Deputación secundaron a folga xeral convocada polos Sindicatos
– O 96,01% acudiron ós seus postos de emprego polo que a incidencia desta convocatoria foi mínima e a xornada laboral desenvolveuse con normalidade
– Os servizos mínimos pactados entre o organismo provincial e as forzas sindicais maioritarias, UXT, CCOO e CIG, cumpríronse ó 100%
Tan só un 3,99% dos traballadores da Deputación secundaron a folga xeral convocada para este mércores polas forzas sindicais maioritarias, UXT, CCOO e CIG. O 96,01% acudiron ós seus postos de emprego como de costume, facendo que a incidencia desta convocatoria fose mínima, e a xornada laboral se desenvolvese con total normalidade.
Dos 777 profesionais da Deputación só 31 non traballaron. A súa distribución nos centros dependentes do organismo provincial é a seguiente: dos 419 empregados da Deputación secundaron a folga 28, o que representa o 6,6%; e dos 105 do INLUDES só 3 o fixeron, é dicir o 2,8%. Mentras, tanto en SUPLUSA como na Fundación TIC a plantilla estivo ó completo.
Deste xeito, os servizo mínimos que a Deputación pactou cos Sindicatos cumpríronse ó 100%. A proposta do organismo provincial, que foi aprobada por maioría, establecía estes servizos en 105 traballadores, o que representan o 14% do persoal laboral do organismo provincial.